WARA'AMI 20:7 - Biblía Axweesantá Hhohho' ar Mungú 2004

⁷ Kookaari gaardaá slaqwara ngin harahhifiyá', nee kookaari farsuú slaqwara. Ala atén AAKOÓ MUNGÚ, Munguúrén, un harahhifaán.

Ya/abtór hho' 1977

⁷ Kookaari gaardaá slaqwara ngin harahhifiyá', nee kookaari farsuú slaqwara. Ala atén AAKOÓ MUNGÚ, Mungúrén, un harahhifaán.

WARA'AMI 20:7 Iomraidhean Croise

2 SAMUELI 10:18

Ala múk Aramu kuri baál, iri goów geeraá múk Israeli wa ale. Daudi múk Aramu oo tsiire faanqw guri tsuú/, kudaadá' gaardaá slaqwarár madiitá'. Nee kudá' faras ngwa tsa/ane' a kume mibeeri tsiyáhh oo aa tsuú/. Sleeme geeraharusmooín kudá' úr oo slawtá slaqwara, kudá' ta bay Shobaki, guri muút iri slahhaá', iri didár kilií gwaá'.

2 SAMUELI 8:4

Daudi múk kumuú wák nee tsiire faanqw guna loohír wa hayóh, nee múk slaqwara oo ya'ár hi'iít kume mibeeri tsár. Daudi kanér ya'aá alu gana tlaáq ar farsuudá' sleémeero oo gaardaá koóm, ala farsuú gaardaá tsiiruwo bu'uút guna geexáy.

2 QOM'I 13:16

Múk Israeli iri goów geeraá múk Yuda wa alé, Mungú giri haniís gawaá dabaá múk Yuda.

2 QOM'I 14:11

Asa iri /aá/ dír AAKOÓ MUNGÚ, Munguúwós, iri oó', «Aá AAKOÓ MUNGÚ, diroge dimbé i káhh gár ta alee/iimis bar slaqwaruusér /uuruú koom laqaá ar daqatlakw. AAKOÓ MUNGÚ, Munguúrén, atén kuúng ti alee/is, asma atén kuúng ugwa harahhifaán, ar baraá umuuwoge atén naa slaqwarár awaán dír slaqwaruuseérí yaariir. Aá AAKOÓ MUNGÚ, kuúng an Munguúrén, ala kuúng ma ya/amaar nee hee tiwa tlampa'asa'.»

2 QOM'I 32:8

Inós /uuruú hee kilós gun kón, ala atén AAKOÓ MUNGÚ, Munguúrén, u koomaán, atén ti alee/iis, slamí tin aleeslaaqw.» /Aymi'iikaá waawutmo Hesekia muu nguna /uurií doogiyé'.

YOBU 39:11

/Uuruuwós kudá' yaariír u haraaeéra baraá gadiyeéroge? Laqaá gadiyér gawit ar uwa tu/ i deéro?

WARA'AMI 28:8

AAKOÓ MUNGÚ a /uuruú mukós. Waawutmoowós kudá' aa tsawaár gun baaq guri ba/amis.

WARA'AMI 45:17

Umuuwók in iiaatleerúy baraá qari sleémeero as aníng. Gawaá adoorihe xoordu kuúng uri xirfayemiisiyá' ay kureerisleém.

AXWEESANOÓ SAGALOOA 21:31

Faras kun amohhe'ees as slaqwara, ala baali ar AAKOÓ MUNGÚ.

ISAYA 30:16

Kitangose kuungá' tari oé', «Aasla'áy! Atén an /akumitaán ar farasuú ti'ii'íngw baál.» Kuungá' aqo ta'aaiindá', tari malé oé', «Atén makaá ti'íingw baalá' tinar tiaainá'.» Gawaá adoorihe mukdá' kuungá' nu gusisiím, ti'iingo kuungá' nu baa/.

ISAYA 31:1

Tsaxwaaín mukdá' Misrirí alee/isoó firór aa'áw nee kudá' farasuú harahhifafiít. Mukdá' gaardaá slaqwara ngi harahhifá' as kiwa yaariír, kudá' múk farsuú i tsa/a/ám gu harahhiíf as tawa múk /uureemaá koóm. Ala Kudá' Hhoohhoó' oo Israeli ngu i qaytsimiitiaaká, tam sleeme AAKOÓ MUNGÚ ngu yaahamiisiaaká.

YEREMIA 17:5

AAKOÓ MUNGÚ i kaahi, «Heé hee gu harahhiíf i tsarere'eeti, kudá' handá' /uuruú hee gwaa harahhiif, kudá' baraá muunaáwose AAKOÓ MUNGÚ gwaa sii'.

1 SAMUELI 13:5

Xoorór Filisti tana burumburiít tawa slaqwi nee xoorór Israeli, slaqwaruusér faras gwa i tsa/aan a kume lahhoó', nee slaqwaruusér gaardaá faras gaa i tsa/aan a kume mibeeri tám, nee slaqwaruusér ya'ár hi'iit yaaremaawo a adór hhasángw afaá tlawi. Tari waatláy gáwtí ale, xafay'ín kuri tleéhh baraá Mikmashi bihhaá da/aáw awa Bet-afeni.

1 SAMUELI 2:10

Awa AAKOÓ MUNGÚ tlampa'aamisa' ki suwaatsaat, inós gin slaahh adór dooraá kwarara/a hee ngur slahhiyá'. AAKOÓ MUNGÚ yaamu sleémeero gi sakwasleemuut. Inós waawutmoowós gu /uurií haniis, nee waawutmoowós kudá' taa iimbalaáx ar di/i gu iia tleerees.»