WARA'AMI 20:6 - Biblía Axweesantá Hhohho' ar Mungú 2004

⁶ Án daxta a xuú', AAKOÓ MUNGÚ waawutmoowós kudá' aa tsawaár gu arba/atír i haniis, ngun mu/aywaats gawaá dooriwós kudá' hhoohhoó' wa ale, gu arba/atírí haniis ar /uuruuwós kudá' úr.

Ya/abtór hho' 1977

⁶ Án daxta a xuú', AAKOÓ MUNGÚ waawutmoowós kudá' aa tsawaár gu arba/atír i haniis, ngun mu/aywaats gawaá dooriwós kudá' hhoohhoó' wa ale, gu arba/atírí haniis ar /uuruuwós kudá' úr.

WARA'AMI 20:6 Iomraidhean Croise

1 WAAWITÁ 8:30

Firór sagadiyusmoowók axaaseek, nee ar mukók oo Israeli uwa firiirin. Firoorí kuúng na axaaseek gawaá doorí wa alé, nee bar aga axás, atén ti gurtleer.

1 WAAWITÁ 8:43

na'ás, inós iiárií qaaseek iimír gawaá doorí wa ale, heewuú hoomo tidá' uwa firini qaweek, as múk baraá yaamu sleémeero umuuwók nguwa xuiya' nee uwa ilaiwaa/iya', adór mukók oo Israeli wa alé. Inooín ngiwa xuiya' adór do'owí naa tleéhh tar dír kuúng tuwa sluufmiisi.

WARA'AMI 17:7

Sla'aarirók ar warqawaaká laqaamang ar tlehhma'aá waa/oo/amo. Kudá' naa amoorók i guwiye' ba/amiseek dír wakuuser'ine.

WARA'AMI 18:35

AAKOÓ MUNGÚ, án kuúng ina báq nee iri ba/amís, amohhe'eemisuuwók aníng ina ureés, nee ina gawdés ar /uuruuwók.

WARA'AMI 18:50

Mungú waawutmoowós gu arba/atír úr i hanmiis, heewós kudá' aa tsawaár gun sla'aarirós i laqán, eeít, gan laqán dír Daudi nee xwaylarós ay kureeraá kureér.

WARA'AMI 2:2

Waawituú daanduú yaamu ti amohhe'emiis as tawa haratlay, nee geeraharuuse taa kaahi sleér daanduú AAKOÓ MUNGUHE, nee daanduú kudaádá' inós aa tsawaár as tawa waawutmo, tawa kaahi,

WARA'AMI 28:8

AAKOÓ MUNGÚ a /uuruú mukós. Waawutmoowós kudá' aa tsawaár gun baaq guri ba/amis.

WARA'AMI 41:11

Barnaxes wakusmooeé' aníng iga arba/iiká, daqaní aníng a xuú' adór aníng kuúng ir slá'.

WARA'AMI 9:15

Xoordu naa /eetiyé' baraá baudá' naa fooliyé'. Tsaaxweelay'ín kudá' naa qaasiyé' ya'aaín gaa ohín.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 58:9

Daqaní kuungá' anuú AAKOÓ MUNGÚ bira firiindé', aníng kuungá' nu mu/aywaats. Slám bira ateté', aníng an oo', ‹Aníng a diirí.› Barnaxes kuungá' baramaani aga meeré' baraá tla/angwhunge, nee muu bur looloqoomisa'aaká nee muruú tlákw axweesanto bura meeré'.

ISAYA 63:15

«Gawaá doorí wa qaytsitáng nee ka aán, iimír dirók tidá' hhoohhoo' nee didár hotaawók ar xirfuú kooma. Ahaá da/itók tidár sla'aari nee aleesleemuwoge i amoomá? Sla'aarirók nee gurtleemuwo kaa ilaá/ dir'eene.

MIKA 4:5

Asma xoordu sleémeero nin hootiyá' nee umuú xoorooro ar baraá umér mungu'ii'ín. Ala atén an hootaán ar baraá umuú AAKOÓ MUNGÚ, Munguúrén, ay kureeraá kureér.

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.

Tlehhema'aá ya/Abuuse 2:36

«Gawaá adoorihe kuungá' múk Israeli, kángw kilá' wa xuaak, adór Yésuuwí kuungá' taa kikié' Mungú ngura qaás tawa Aako nee Kristo.»

Tlehhema'aá ya/Abuuse 4:10

Ala dír kuungá' sleémeero i xu'utit nee dír múk Israeliwo adór heewí dír geerahúng wa sihhmiít ar slaqwa hhooa gár ira hunguú/ tar umuú Yesu Kristo oo Nasareti, kudá' kuungá' taa kikié', nee Mungú guri baraá gi'ií wa waasle/atís.

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.