WARA'AMI 2:7 - Biblía Axweesantá Hhohho' ar Mungú 2004

⁷ Waawutmo i kaahi, «Aníng hara'ayaadá' AAKOÓ MUNGÚ naa oó' an alki/iít. Inós ina báy, ‹Kuúng an garmaaeé', án laarí kuúng ugwa laqwaál.

Ya/abtór hho' 1977

⁷ Waawutmo i kaahi, “Aníng hara'ayadá' AAKOÓ MUNGÚ naa oó' an alki/iít. Inós ina báy, ‘Kuúng an garmaaeé', án laarí kuúng ugwa laqwaál.

WARA'AMI 2:7 Iomraidhean Croise

2 SAMUELI 7:14

Aníng tari baabuúwós, inós tari garmaaeé'. Tlaákw birnga tleéhh, un iigahhaát, adoodár muu i /imamisi na/ii'ín kiwa naanaqaqati ar hhara.

YOBU 23:13

Ala inós i baloó warqayká, heé inós gu warqeés a heemá? Nee gár inós tleehhamooro i slai an tidá' tleehharuut.

WARA'AMI 148:6

Umuú gaaro gana digmuuwósi haniís oo daqisleém, giri hara'ayári haniís ar i baloó warqeesiaaká.

WARA'AMI 89:27

Aníng inós un bariismooeé' tleéhh, un waawuti'iimár i haniís ta waawituú daanduú yaamuwo.

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›

Matayo 16:16

Simon Petro iri oó', «Kuúng a Kristo, Garmoó Munguúdá' slaáf.»

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Matayo 8:29

Mukdá' iri tseé', tari oó', «Garmoó Mungú, atén nee kuúng a milá? Nina hardáti as atén tiwa slahh'eemis dír qoomaarén ira xeeriiká?»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Tlehhema'aá ya/Abuuse 13:33

Mungú al'axweesantós ngaa diréní boo/eés, ateéká' na/ii'ín. Adór ngira boo/eés a Yesu guna waasle/atís, adoodá' kara gooín baraá Wara'amtá tsare, ‹Kuúng a Garmaaeé', án kuúng laarí una laqwaál.›

Tlehhema'aá ya/Abuuse 8:36

Tari kumiít loohiro, tari hardáh dír ma'aay i dirii'iya'. Heedaádá' iri oó', «Qaytsiít, ma'aay diirihe i dayá'. Gár aníng i il/aam a milá, ar tis baatisiiká?» [

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

Ebrania 5:5

Gawaá adoorihe tam Kristo sleeme taa kilós xirfeesiiká tiwa kaahamusmoó úr oo Mungú tleehhi. Ala a Mungú guna ilaiwa/ameerí haniís, iri oó', «Kuúng a Garmaaeé', aníng kuúng laarí una laqwaál.»

Ebrania 5:8

Inós a Garmoó Mungú. Ala tam adoorihe inós iialooemis guna intsaatsaáhh, as adoodá' kuwa slahh'eemiís.