WARA'AMI 19:9 - Biblía Axweesantá Hhohho' ar Mungú 2004

⁹ Ilaiwa/amér AAKOÓ MUNGÚ ka hhoohhoo', i kumít ay kureeraá kureér. Kaahír AAKOÓ MUNGÚ a looeema, sleémeero i ganá'.

Ya/abtór hho' 1977

⁹ Ilaiwa/amér AAKOÓ MUNGÚ ka hhoohhoo', i kumít ay kureeraá kureér. Kaahír AAKOÓ MUNGÚ a looeema, sleémeero i ganá'.

WARA'AMI 19:9 Iomraidhean Croise

IIMU/UUNGW 22:12

Malaykamo iri oó', «Dakók mu tleesaar gawaá garmií alé, laqaá tam mu gaa /iisaar. Asma daxta aníng aga tsaáhh adór kuúng Mungú kur ilaiwaawá/. Qaytsiít tam sleeme kuúng garmaawók oo kilós oo ta sla', ugwa ila/iká dir'eéní haniisaro.»

IIMU/UUNGW 42:18

Bál tame Yosefu giri báy, «Asma án Mungú nguwa haratlintaatii', adoorí tleehhaak as tawa hota'.

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

NEHEMIA 5:15

Ga/aawuuseedá' aa giiriin a huwaá ilo' dír muko as iwa muruú /aymár iinuusiya', nee difaáiro dinkwa nee shekeéli mibeeraá tsiyáhh ar peésa, slamí sagadiyuuser'ín muu guna sawaawuti'iín. Ala aníng adoosíng aga tleehhiiká, asma aníng Mungú u ilaiwawaá/.

WARA'AMI 10:5

Tlakusmo qooma sleémeero muruuwós i ya/aa/án. Inós ga baloó tsaahhiiká adór kuúng muu kur sakwasleemút. Wakuuseerós sleémeero gan waaqaaqaa'.

WARA'AMI 111:10

Ilaiwa/amér AAKOÓ MUNGÚ an iimu/úngw sagalooa. Múk adoorí ga /iimiís sager'ín i gwa/át. Xirfuuwós in kumamiit kureerisleém.

WARA'AMI 115:13

Kudá' inós ngu ilaiwawaa/á' gin tsuuq, múk urén nee na/iiwo gin tsuuq.

WARA'AMI 119:1

Múk amohhoó' a kudá' tlakweemaá tlehhahhita'aaká, kudaádá' dabér AAKOÓ MUNGÚ ngi eeharaahará'.

WARA'AMI 119:106

Al'axweesante'eé' aga oó', ngiri gawdeés ooaro, tidá' ganaa' kuúng ta kat an óh.

WARA'AMI 119:111

Adoodá' i babeer aalir'eé', dir'eene ka afhhamít, eeít, a qwal/amaayér muunaáeé'.

WARA'AMI 119:142

Gan'amuuwók an gan'amuú alhhe'eesay wásl, nee dabeerók ar ló'.

WARA'AMI 119:39

Tsi'imisuuín kudá' dae tlaáq pa/asek, asma tidá' kuúng ta kat ka hhoo'.

WARA'AMI 119:62

Xweeraá dakiingo an tláw uwa xirfayeemiis, asma tidá' kuúng taa kát i ganá'.

WARA'AMI 119:7

Aníng kuúng un xirfayeemiís ar muunuú /awaák, as adoodá' ira intsaahhatís ar kaahirók tidá' ganaa'a.

WARA'AMI 119:75

AAKOÓ MUNGÚ, aníng a xuú' kuúng sakwasleema an tléhh ar loohír ganaa', nee bir múx gár is mux i deer.

WARA'AMI 12:7

AAKOÓ MUNGÚ, atén ti de'een, nee ti baq dír qartihe.

WARA'AMI 147:19

Axweesantós gan alki/iit dír múk Israeli, kaahirós nee sakwasleemaro gari dir'ín i alki/iit.

WARA'AMI 36:1

Tlakweema i baraá muunuú tlakusmoó wa tlupiitiyá', Ilaiwa/amér Mungú i káhh dirose.

WARA'AMI 36:6

Gan'amuuwók a adór tlom'aá uren, sakwasleemarók a adór iltá tlawi, AAKOÓ MUNGÚ, kuúng muu nee makaywo in de'eén.

TI'INAANGW 21:1

«Gimsé', gár muu ku beera' a tí:

AXWEESANOÓ SAGALOOA 8:13

AAKOÓ MUNGÚ bur ilaiwawá/ a tlakweema i áhh; Daara/aangw ugwa aáhh, nee hi/niro, nee lohdaá tlakwe, axweesanoó sagagawda ugwa aáhh sleeme.

ISAYA 26:8

Aá AAKOÓ MUNGÚ, baraá lohdaá sakwasleemaroge atén kuúng un daamaán, muneerén gár i ló'wa sla' a inslaslángw umuuwók.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

Tlehhema'aá ya/Abuuse 10:22

Tari oó', «Kornelio, geeraharusmoó askaári, atén tina ya/aáw. Inós a heé ganaá', slám a heé Munguú ilaiwawaá/, nee adór tar heé hhoó' múk Yahudi sleémeero ga xuu'. Inós kuna ádbáy nee malaykamoó hhoohhoó' muu nguwa ya/aawi amoorók, as kuúng tawa amór do'ós i daqeer, as axweesantók ngiwa axaasi.»

Rumi 11:22

Gawaá adoorihe ana araán adór Mungú ir xaraásl, nee slám ku hhoó'. Inós i xaraasl dír mukdá' aa huui baraá tlakweema. Ala diroge ku hhoó', kuúng bar baraá hhooeemaawós wa kumaamít. Ala bar kumaamitká, kuúng sleeme tu adór haleemiidá' wa tsaat.

Rumi 2:2

Kuungá' a kata', «Atén a xuaán, sakwasleemár Mungú dír múk tlehhmi'iiká tlehhiita a sakwasleemár ganaa'.

DABE 4:8

Laqaá xoorór ur tam ar wák i káhh ar kaahi nee hara'ayár ganaa' ar adór tí ga koom, tí aníng naa dirhúngí intsaahhatís laarí.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

Geehhoeemaá 16:7

Aluuwo afo ngiri axaás ar baraá kitángw ilahhooár daahh, i kat, «Aakoó Mungú, Aleesleemusmoó mura' sleémeero, sakwasleemarók ar ló' nee i ganá'.»

Geehhoeemaá 19:2

Asma sakwasleemarós ar ló' nee i ganá'. Inós tsaatuso'oodá' ur, tidá' yaamu gaa hhitiin ar tsaatu'uumarós, gaa sakwasleemuút. Mungú gana li/áy buú' asma inós sagadiyuusér Mungú gana tsú/.»

1 SAMUELI 12:24

AAKOÓ MUNGÚ kilós na ilaiwa/aak kuwa sagadiyusa' ar inkihhimu, nee ar munerhúng sleémeero, inslawimé', adór nura muruú urén i tleéhh.