WARA'AMI 19:8 - Biblía Axweesantá Hhohho' ar Mungú 2004

⁸ Dabér AAKOÓ MUNGÚ i ganá', muuná gu qwal/atimís, hara'ayár AAKOÓ MUNGÚ i ganá', hee gu daharés.

Ya/abtór hho' 1977

⁸ Dabér AAKOÓ MUNGÚ i ganá', muuná gu qwal/atimís, hara'ayár AAKOÓ MUNGÚ i ganá', hee gu daharés.

WARA'AMI 19:8 Iomraidhean Croise

IIMU/UUNGW 26:5

Asma Abrahamu aníng ina iialooeés, tidá' ngwa báw gari óh nee hara'ayar'eene, nee kaahir'eene nee daber'eene.»

2 WAAWITÁ 17:37

Umuú daqto kuungá' kaahir'eé' nee sla'aarir'eene nee dabeero, nee hara'ayaadá' tinda kuungií gooini, umuú deelo harmagahhaak tlehhtuuwo. Munguaá hatlá' mi sluufmiisara'.

NEHEMIA 8:12

Muu sleémeero iri tláy tawa /ayin nee tawa wahan, muu kuri tooín huúw, qwal/uú úr kway tleéhh, asma /aymi'iidá' taa dir'ín i alki/iít ngaa tsaahhiyé'.

NEHEMIA 9:13

Nina gawaá doorí wa awét ay gawaá tloomár Sinai, tari axwés nee inooín. Kiri kángw hhó' beér, dabér ló' kari hanís, nee kaahír hhoe nee hara'ayaro.

WARA'AMI 105:45

as kaahirós kawa oohi, nee dabeerós kawa eehari. AAKOÓ MUNGÚ xirfayeemisaak!

WARA'AMI 111:7

Tlehhmi'iiwós i ganaaiyá', slám ki insareehhi wasl, hara'ayaarós bir nga oó' ar tsáp.

WARA'AMI 119:105

Axweesantók a adór tsaa'asi ar aníng i geerahaar, nee gwa/aateemá baraá loohir'eé'.

WARA'AMI 119:12

AAKOÓ MUNGÚ, kuúng xirfuút! Intsaahhatisáng loohiroge!

WARA'AMI 119:121

Aníng a ganaá' nee ti daba' hhohhó', mi mawaar baraá dabaá baramaanuuser'eé'.

WARA'AMI 119:128

Adoorihe an hoót ar hara'ayarók, lohdaá al/ayma i waák.

WARA'AMI 119:130

Alki/ituú muruudá' kuúng ta sla', gwa/aateema ngin huwahuuw, múk gár xuaaká gu xu'utimis.

WARA'AMI 119:14

Axweesantók eeharto an saqwalalaá/, tam daqaari'iimár yaariir ba/a.

WARA'AMI 119:143

Slahh'amu nee gurhaami iga slayé'. Ala hara'ayarók an saqwalalaá/.

WARA'AMI 119:16

Axweesantók a saqwalalaá/. Tidá' kuúng ta kat a gunqareesaaká.

WARA'AMI 119:171

Xirfuuwók u alki/iít ar afkwe'eé', asma iga intsaahhatís kaahiroge.

WARA'AMI 119:24

Tidá' kuúng naa ó' an qwal/uueé', asma ina gurbu'uún.

WARA'AMI 119:40

Hara'ayarók ngiwa oh a ló'wa slaá'. Kuúngudá' gan'amuú koóm slafíngw /abén aníng i haniisang.

WARA'AMI 119:54

Qoomár niwa baraá dahaayi'iimár i dirii', daa'angw'eé' a daanduú hara'ayarók.

WARA'AMI 119:80

Masók kaahirók an óh ar inkihhimu, as aníng mitiwa mureekeés.

WARA'AMI 119:92

Dabeerók geera bar qwal/amaayer'eeneeká, geera slahh'amuueé' iga qaroó gaás.

WARA'AMI 12:6

Al'axweesantá AAKOÓ MUNGÚ a ló', nee i ganá'. Ka hhohho' adór muqslír /awaak ar taa kwahhuút ar baraá asla, adór muqslír /awaak ar taa kwahho hhe'eés sagaá wa faanqw.

WARA'AMI 13:3

AAKOÓ Munguúeé', aníng i qaytsitáng iwa mu/aywats. Án slaqwahhooárí ki/isáng mawa guú' ar gu'utér huwisha.

WARA'AMI 40:8

Munguúeé', aníng a qwalaalaá/ sla'aarirók ngiwa tlehhiit, dabeerók i baraá muunaáeé' i dirí'.»

WARA'AMI 93:5

AAKOÓ MUNGÚ kaahirók ar tsáp, nee Do'ók ku ló'wa hhoohhoó' ay alhhe'eesay wasle.

TI'INAANGW 18:16

Múk taa afo dakumiis birna hardáh un haraaki/ís, aníng an har'ohiím tla/ángw hee nee inslaawmoowose, nee in intsaahhatimís kaahír Munguhe nee adoodá' i slai.»

AXWEESANOÓ SAGALOOA 2:6

Asma AAKOÓ MUNGÚ sagalooa gan hanmiis, baraá afkose gár ti'imiit a xu'uti nee tsaahha.

AXWEESANOÓ SAGALOOA 30:5

Umuúqo /aymuú Mungú aa ooi kwaa alqaytsiít. Inós a gaamboót dír mukdá' inós gu i gogoowa.

AXWEESANOÓ SAGALOOA 6:23

Asma hara'ayaarí a tsaa'asi, nee dabeerí a gwa/aateema, an gurbu'úngw hee gu gan'aás, an loohír slafiingw.

ISAYA 64:5

Kuúng mukdá' hotaá ganaa'á' gi ar hoót nee gi saqwalalaá/ un ilaaót, kudá' kuúng u inslaslaawá' nee lohduuwoge. Ga/aaweek, tina i gahhát qoomár tawa múk tlakuuse. Atén ana dee/anutaán afiqoomár yaariire. Axáy tiqo ba/amísa?

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

ESEKIELI 36:27

Qeeruueé' nguri baraahúng i qaás, nee nuri intsaahhatís daber'eé' kawa eehada' nee kaahir'eé' kari iialooeesá'.

Rumi 3:20

Asma heé ta gan'amií harafaari dír geeraá Munguhe i kaahh, ar loohír tlehhma'aá hara'aya, asma hara'aya gár i bu' dír heewo, a tlakweemaawós gin laqaaqaán as ngiwa tsaahhi.

Rumi 7:22

Asma aníng baraá muunaáeene hara'ayár Mungú an sa qwalalaá/.

Rumi 7:7

Ala atén gár taa ooaan a milá? Hara'aya a tlakweemaáwo? Aasla'áy a tlakweemaawooká. Ala án geeraawo tlakweema tsaahharo i aleeslawaaká hara'aya bir káhh. Án geeraawo ilatleeri a tsaahhaaká bar hara'aya iga beeriká, «Ma ilatleeruusaar.»

Galatia 2:19

Asma aníng hara'aya iga qaroó gás. Gawaá adoorihe amór hara'aya eeharto aníng a heé aa gwaa', as kahhó' niwa slaaf dír Munguhe. Aníng taa qaroó alkikií' nee Kristo gawaá msalaába.

Galatia 3:21

Daxta bar adoorí, an ooána hara'ayár Mungú nee al'axweesantá Mungú ti slaslay'aaká? Aasla'áy, a adooriheeká. Ala geera barnaxes hara'ayár aleesleemuú koom kinga haniís, ar muu gu slafíngw i haniis, geera alók muu gan'amu gu sláy as hara'aya ngiwa óh.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 16:14

Kuungá' deeloosíng ur ka saqwalala/á' dinkwa nee na/iihúng awa daaqaay nee awa dasu, nee lawaalerhúng ar hhawaate nee ar /ameenaaro, nee múk Laáwi, nee dahaaye, nee na/aá panaay nee /ameenár kwaeeli nee hoomár baraá ayaahúng hoota.