WARA'AMI 18:6 - Biblía Axweesantá Hhohho' ar Mungú 2004

⁶ Baraá slahh'amueene AAKOÓ MUNGÚ una ateét, una ateét Munguúeé' as iwa alee/iisi. Afor'eé' gari axaás amór do'ós wa ale. /Aa/ee'eé' nay baraá iaawós i hardihiyé'.

Ya/abtór hho' 1977

⁶ Baraá slahh'amueene AAKOÓ MUNGÚ una ateét, una ateét Mungúeé' as iwa alee/iisi. Afor'eé' gari axaás amór do'ós wa ale. /Aa/ee'eé' nay baraá iiawós i hardihiyé'.

WARA'AMI 18:6 Iomraidhean Croise

2 SAMUELI 22:7

«Baraá slahh'amaayer'eene AAKOÓ MUNGÚ una ateét, una ateét Munguúeé'. Iimír baraá Do'ose afor'eé' gana iiárií qaás, /aa/e'eé' gina axaás ar iaawós.

2 QOM'I 30:27

Aluuwo kaahamuusér Mungú nee múk tlahhoó Laáwiwo tari sihhiít muu kway tsuúq, afor'ín kari axaás, firor'ín iri hardát gawaá doori tidá' hhoohhoo', inós iri axaás amoorós tidá' hhoohhoó' wa alé gawaá doori, firor'ín gari ya/án.

WARA'AMI 11:4

AAKOÓ MUNGÚ i baraá Do'ós kudá' hhoohhoó'. Kitángw AAKOÓ MUNGÚ i gawaá doori. Muu gu ga/áy ilaawose. Umuúqo gár muu i tlehhiiti ga xuu'.

WARA'AMI 120:1

Qoomár slahh'amu nguwa sláw, AAKOÓ MUNGÚ una ateét, inós iri mu/aywaáts.

WARA'AMI 34:15

Asma ilaá AAKOÓ MUNGÚ i dír mukdá' hota ganaa'á', nee firor'ín ga axamiis.

WARA'AMI 5:7

Ala as yaareemaá sla'aarirók ar warqawaaká, aníng an dáh baraá Do'ók oo hhoohhoó'. Ar ilaiwa/ameero un i tumbarara'aát, uri sluufiís baraadá' wa ale.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

WARA'AMI 55:5

Dae iga daaraxár eér, nee hor/i iga gás.

TI'INAANGW 2:23

Alaá qoomár deelór yaariir iwa waaráhh, waawutmoó Misri iri gwaá'. Xoorór Israeli slahh'amuú úr guri sleér baraá lawaali'iimaro, tari /aa/amín. /Aa/eeín niri hardihiyé' amór Mungú.

HABAKUKI 2:20

«Ala AAKOÓ MUNGÚ i baraá do'ós kudá' hhoohhoó' i dirii', yaamu sleémeero i xasliitiye' geeraawós i ale.»

Marko 14:36

Iri oó', «Baabuúeé', Baabuúeé', kuúng umuúqo gaaro a aleesleér. Slahh'ámuuwí dir'eene hingeeseek. Tam adoorihe adoodá' aníng ni slaa' ma tleehhaar, ala tidá' kuúng ta sla' na tleehheek.»

Tlehhema'aá ya/Abuuse 12:5

Petro kuna xún baraá doó tseegamór wa ale. Ala múk kríshaanáy Mungú guna firín ar ilakaaharu as inós.

Geehhoeemaá 11:19

Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.