WARA'AMI 18:43 - Biblía Axweesantá Hhohho' ar Mungú 2004

⁴³ Iga ba/amís dír mukdá' aa dee/aanuuti. Iri waawutmoó xoordu tléhh, múk ni xuaaká iri sagadiyuús.

Ya/abtór hho' 1977

⁴³ Iga ba/amís dír mukdá' aa dee/aanuuti. Iri waawutmoó xoordu tléhh, múk ni xuaaká iri sagadiyuús.

WARA'AMI 18:43 Iomraidhean Croise

2 SAMUELI 19:9

Tlahha'aá Israeli sleémeero tari kilooín alwarqayé' gilaawo iwa kaahiya', «Waawutmo Daudi atén tina tuú/ baraá dabaá wakuuseerén wa ale, tina ba/amís baraá dabaá múk Filistir wa ale. Ala hamí aa tlatlaáhh baraá ayko as Absalomu.

2 SAMUELI 3:1

Har afiqoomaadaá yaariire múk aa barta doó Saulo ay tana kumamiít slaqwaraaro nee múk aa barta doó Daudi ay, ala múk Daudi /uuru gun ak slasláy, Saulo nee múk bartós tan ak slaaqamiit.

WARA'AMI 108:9

Moabu a iimper'eé' ar hamtlo, nee Edomu ugwa hharte'eéní qaás as tawa kwe'eé', aníng a waahhamiím as múk Filisti nguwa baál.»

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 52:15

Inós xoordu gi kwisltis, waawitá afe gari ohín as inós, asma muruudá' naa ari'iiká ngu ariyá', nee muruudá' naa axaasi'iiká ngway tsaahhiyá'.

ISAYA 55:5

Ga/aawaak, xoordaá kuungá' ta xua'aaká in atetá', nee xoordaá kuungá' nu xua'aaká ni tii'íngwár hardihiyá' amorhúng. As anuú AAKOÓ MUNGÚ, Munguúhúng, kudá' hhoohhoó' oo Israeli, an kudá' kuungá' naa iia tleerees.»

HOSEA 1:10

Aluuwo faarór múk Israeli a adór hhasángw afaá tlawi oo qoomay wásl, nee oo faaroro ta aslayká. Adoodá' geeraawo kiwa bay, «Kuungá' a muk'eeneeká,» daxta kin tundun bay, «Na/aá Munguúdá' slaáf.»

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.

Rumi 15:12

Nee slám aarusmo Isaya i kaahi, «Harma/i ni baraá tlahhoó Yesé dáhh. As xoordu sleémeero ngiwa sawaawuti'ii'in. Inós an kudá' xoordu i haraxuiya'.»

Rumi 15:18

Ala aníng gár ooaro ni qiitl i káhh daanduú gár hatlae, ala aqo har tidá' Kristo aa tleéhh kilós, ar loohír aníng, as múk xoordaá hatlá' nguwa amór Mungú i huwi, as inooín Mungú kuwa iialooeemisi. Gadiyeérí aníng ana tleéhh ar axweesani nee ar tlehhmi'i,

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

Efeso 1:22

Mungú mura' sleémeero gwa gawaá dabaawós i qaás. Slám inós gun uráy haniis, as inós tawa ságw mukdá' inós gwa haratlintii',

1 Petro 2:10

Asma kuungá' aáng geeraawo a xooroorooká, ala hám daxta a xoorór Mungú. Kuungá' aáng gurtleemuú Mungú ugwa sleeri'iiká, ala hám daxta gurtleemu ugwa sleeré'.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»