WARA'AMI 18:29 - Biblía Axweesantá Hhohho' ar Mungú 2004

²⁹ Ar alee/isaywoge slawtá múk slaqwara a guús, ar alee/isoó Munguúeene baqmór wakusmo an wa /akuút.

Ya/abtór hho' 1977

²⁹ Ar alee/isaywoge slawtá múk slaqwara a guús, ar alee/isoó Mungúeene baqmór wakusmo an wa /akuút.

WARA'AMI 18:29 Iomraidhean Croise

2 SAMUELI 22:30

Ar alee/isaywoge, slaqwaruuse an i haratláw, ar /uuruú Munguúeene koo/i a aleesláw ngiwa waa/akuut.

2 SAMUELI 5:25

Daudi adoodá' AAKOÓ MUNGÚ ngwa báy gana tleéhh inós múk Filisti guna daásl tsu/taaro, iimír Gébár wá tleemu ay Geseri.

YOBU 29:3

Qoomaadá' tsaa'astós iwa gawaá sagw'eén wá gwa/amaamit. Aníng nari baraá giwtír wa hi'iimiít ar gwa/aateemaawós.

WARA'AMI 144:1

AAKOÓ MUNGÚ ku xirfayeesi, inósuduú tlaa/ar'eé'. Aníng iga intsaahhatís slaqwaraaro, slaqwarár daba' nee ditsaawo.

WARA'AMI 144:10

Kuúng an kudaádá' baali ga hanmiís dír waawitá. Kuúng sagadiyusmoowók Daudi una ba/amís.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

Kolosai 2:15

Gawaá msalaábaro Kristo baaluusér neetlaame /uuruuín guna hingeés, nee kudá' aleesleemuú koomá' aleesleemuuín guna hingeés. Nee inós inooín sleémeero ngiwa baál, gari geehhooatís adór i dirii'iya'.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

1 SAMUELI 17:49

Daudi dawa guri dahaás baraá tlakwaywós, tlaa/anoó wák guri duúx, guri qaás baraá kuukumayi, Goliati kuri gitsee/a tsaxaár ar tlaa/anoodá', tlaa/anoodá' iri dáh baraá /atuú saga. Goliati iri yaamií huú' ar gura'.

1 SAMUELI 23:2

Naagáy Daudi AAKOÓ MUNGÚ guri yaahaás, guri báy, «Xáy, a haratláwa tawa slaqwaan nee múk Filisti?» AAKOÓ MUNGÚ Daudi guri báy, «Tláw, múk Filisti tsitsihheek, nee gixsár Keila tu/ang.»

1 SAMUELI 30:8

Daudi AAKOÓ MUNGÚ guri yaahaás kaangwihe, «Xáy, daqtí a eehára? Nee a oóha?» AAKOÓ MUNGÚ guri mu/aywaáts, «Eehareek, looeemaá kilae i ót slám mukdá' tara tláy ngu tú/.»