WARA'AMI 18:25 - Biblía Axweesantá Hhohho' ar Mungú 2004

²⁵ AAKOÓ MUNGÚ, kuúng tu inkihhím dír kudá' inkihhimuú kooma'a diroge. A ganá' dír kudá' hota ganaa'a.

Ya/abtór hho' 1977

²⁵ AAKOÓ MUNGÚ, kuúng tu inkihhím dír kudá' inkihhimuú kooma'a diroge. A ganá' dír kudá' hota ganaa'a.

WARA'AMI 18:25 Iomraidhean Croise

1 WAAWITÁ 8:32

na'ás, kuúng iiárií qaaseek gawaá doorí wa alé, kuúng qaa/oó mukók tsateek. Heé dakuúsár koóm sakwasleemuteek ar harqoomoó dakuúsarós i diri', nee heé dakuúsár koomaaká maweek, ku gurtleér adoodár iialooeesarós i diri'.

NEHEMIA 9:17

Niri iialooeesi'iiká, muruú waa/oo/amo oo taa tla/angw'ín wa tléhh ngwa inslay'iiká. Da/ewer'ín ngay gawdesiyé', geeraharusmo ngway qaasiyé' oo gi ki/ís baraá lawaali'iimár yaamaá Misri. Ala Mungú, kuúng tu inslaáhh gurtleemuwo, a gurtleemuú koón nee tsuuqaawo, kuúng tu inslahheeká buhhtaawo. Kuúng sla'aarirók i warqeeraaká, as adoorí inooín iga kwahhká.

YOBU 8:6

Nee barnaxes kuúng tu daba' hhohhó' nee an gan'amuú koón, geera Mungú ni hardah uri alee/iis, nee uri buu', uri diihhooarók i ki/is.

WARA'AMI 62:12

Nee sla'aaridá' warqawaaká i dirók, AAKOÓ MUNGÚ. Asma kuúng umuú heewo un bú' ar adoodá' tlehhmi'iiwós i dirii'iya'.

ISAYA 26:7

Loohír heé hota ganaá' i alqoón, kuúngudá' ganaá' loohír heé hota ganaá' a gan'ás.

Matayo 5:7

Múk amohhoó' a kudá' gurtleemuú koóm, asma inooín Mungú gi gurtláy.

Rumi 9:14

Ala gár ta ooaan a milá gawaá daanduú tihe? Ar Mungú i tlehhiiti a tidá' gan'amuú koomaakáhe? Aasla'áy, a adoosingeeká.