WARA'AMI 17:3 - Biblía Axweesantá Hhohho' ar Mungú 2004

³ Kuúng iga haraxeér xweeraawo, iri tsee/aariín, muunaáeé' kuri xuuxu'uún. Kuúng ina iiát, ala gár tlaakw ar taa aán i káhh baraaeene. Aníng gár tlaakw aga ooiiká afkwe'eene.

Ya/abtór hho' 1977

³ Kuúng iga haraxeér xweeraawo, iri tsee/aariín, muunuuéé' kuri xuuxu'uún. Kuúng ina iiát, ala gár tlaakw ar taa aán i káhh baraaeene. Aníng gár tlaakw aga ooiiká afkwe'eene.

WARA'AMI 17:3 Iomraidhean Croise

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

YOBU 23:10

Ala inós hotaaeé' gi ado xuu', inós aníng iiarto bira hhe'eés, nin ti'iít oo hhoohhoó' adór sahaábu.

YOBU 24:14

Iimi bir pisli'iimít tsu/utusmo in tseewa ti'iit, as kahhó' narkuute nee mukdá' aleeleém nguwa tsu/i, nee qoomár xweeraawo in fisisín.

WARA'AMI 11:5

AAKOÓ MUNGÚ múk hhó' nee tlakuuseero gin alqaytsimiit. Múk dabér eeharaharaaká gun ahhiit.

WARA'AMI 119:106

Al'axweesante'eé' aga oó', ngiri gawdeés ooaro, tidá' ganaa' kuúng ta kat an óh.

WARA'AMI 139:1

AAKOÓ MUNGÚ, aníng kuúng iga tsee/ariín iri xú'.

WARA'AMI 139:23

Mungú, aníng tsee/ariimáng, muunaáeé' xueek! Iiaaráng, iinslaway'eé' xueek!

WARA'AMI 16:7

Aníng AAKOÓ MUNGÚ un diidi'iimiís, kudá' aníng i hara'ayiyiím. Tam xweeraawo inós in intsaahhatimis baraá muunaáeene.

WARA'AMI 26:2

AAKOÓ MUNGÚ, án alqaytáng nee xuuxuáng, muunaáeé' nee fuqurangw'eé' tsee/ariimeek.

WARA'AMI 39:1

Ana oó', «Inkihhimu un tleéhh baraá muruudá' ni tlehhiita, as kahhó' mawa dakuús. Afkwe'eé' un har óh, qoomár múk tlákw bira haratseewúy.»

WARA'AMI 66:10

Aá Mungú, atén kuúng taa iiát, adoodá' muqslír /awaak kar kwahhaahhuuti, qoomár bar ka peésa tlehhiit.

WARA'AMI 7:4

barnaxes mulqumooeé' ugwa gár tlaákw i tleéhh, laqaá bar wakusmooeé' bura tawó áw,

AXWEESANOÓ SAGALOOA 13:3

Heé afkós gwaa harmagaahh slafiingós gu ba/amis, Ala heé afkós gwaa algeemay i qwaar.

YEREMIA 12:3

Ala aá AAKOÓ MUNGÚ, kuúng aníng i xú', nee in ga/eér, inslaway'eé' un amoorók i qwatsiín. Múk tlákw hhimbiritleek adór bee/ángw ta tsu/utár ay. Ki parátl as qoomár sakwasleemar'ín ar tsu/uta.

YEREMIA 50:20

AAKOÓ MUNGÚ i kaahi, «Qoomaadae nee daqtadae tlakweema ki leelehhiit yaamaá múk Israeliwo, ala ki ariiká. Dakuús ka leeleehh yaamaá Yudawo, ala ka harasliqitiiká asma aníng panaydá' aa meet u gurtláw.»

HOSEA 7:6

Asma gur'er'ín asla gay al'ót, da/tá adór bohóngw asla xweera sleémeero nin qa/imamitiyá' buhhtaawo. Matlaatleero buhhta naa oohiriyé' adór tsángw asltá wa ale.

MIKA 2:1

Mukdá' sleémeero muruú tlákw qoomeemeés a tsaxwaaín, asma inooín barta baraá qateenoínií qaát amsiwo muruú tlákw kun qoomeemees, Matlaatleero qatuuwo birna tlayé', muruudá' kway tsuwa tleehh, asma aleesleemu ngu koná'.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

MALAKI 3:2

Ala heé deelór hardahamaawós ga saqiítl a heemá? Laqaá heé sihhiít inós birna geehhooúy a heemá? Asma inós a slaqsoó asltá heé muqslár kwahhuút, a slaqsoó saabuúnír heé tlabaá hhuuntsiít.

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Tlehhema'aá ya/Abuuse 16:9

Paulo xweeraawo iigu'utu guri ár. Heé yaamaá Makedonia guna ár, i sihhimiit, i Paúló babay, «Waaraahháng amór yaamaá Makedonia, atén ti alee/isár eer.»

1 Korinto 4:4

Asma baraá muunaáeene gár aníng i sakwasleemuut i káhh. Ala aníng ti gan'amií harafaariiká as adoodá' muunaáeé' iwa sakwasleemuutiiká. Ala heé aníng i sakwasleemuút an Aako.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Yakobo 3:2

Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

1 SAMUELI 24:10

Qayteek laarí hamí, adór kuúnguú kilá' kara aán ilaawoge, qoomár tawa baraá mar'írií diri', AAKOÓ MUNGÚ una gawaá dabaeénií qaás. Muk'eé' bahh'alé aníng iri báy, ‹Gaaseek,› ala una gurtláw, niri oó' ‹dakw'eé' u looloqoosaaká gawaá aakooeé', asma inós a kudá' taa iimbalaáx nee AAKOÓ MUNGÚ.›

1 SAMUELI 24:12

AAKOÓ MUNGÚ har'ohaay ngu ay dír án nee kuunge, nee AAKOÓ MUNGÚ marmár'eé' ngi gawaawók i bui, án kuúng ló' muwa kwatiít dakw'eene.

1 SAMUELI 26:11

Ala AAKOÓ MUNGÚ i ya/anká dakw'eé' nguwa looloqoos gawaá heewós kudá' aa tsawaár guri iimbalaáx ar di/i. Ala lawaalarós tiqá' tseew dír sagós nee qumtá ma'aywo na taataahhang, daqaní a tlawaán.»

1 SAMUELI 26:23

AAKOÓ MUNGÚ heewós oo inkihhím gu amohhe'eemiis ar qoomoó inkihhimuuwós. Laarí AAKOÓ MUNGÚ kuúng una dabaaeé' qaás, ala aníng aga slaiiká dakw'eé' nguwa looloqoos gawaawók, asma kuúng a kudá' taa tsawaár, turi iimbalaáx ar di/i nee AAKOÓ MUNGÚ.