WARA'AMI 17:1 - Biblía Axweesantá Hhohho' ar Mungú 2004

¹ AAKOÓ MUNGÚ, firor'eé' iiárií qaaseek as sakwasleemár ganaa' ngiwa slaw. /Aa/ee'eé' iiárií qaaseek, firor'eé' ar tsáp ilaooheek.

Ya/abtór hho' 1977

¹ AAKOÓ MUNGÚ, firor'eé' iiárií qaaseek as sakwasleemár ganaa' ngiwa slaw. /Aa/ee'eé' iiárií qaaseek, firor'eé' ar tsáp ilaooheek.

WARA'AMI 17:1 Iomraidhean Croise

2 SAMUELI 22:24

Dír geeraawose a dakuúsár koomaaká, taa harmagaáhh dakuús mawa tleéhh.

2 QOM'I 7:15

Aníng do'owí u xuúm, nee firór ta baraá do'owí wa firiinda' aníng a iiárií qaás,

NEHEMIA 1:6

Iiarók qaaseek, ilaawók ni qaytsitiye' as firór anuú sagadiyusmoowók kawa iiárií qas, tí hamí ni dír geeraawók wa fiririim tlatla/aangw nee xweeraawo as xoorór Israeli, lawaaleerók. Aníng a tlakweemaá xoorór Israeli hhu'u'uúm, kudá' taa tleehhaán daanduuwoge, asma aníng nee múk doó baabuúeé' tlakweema iga tleehhaán.

YOBU 16:17

Ala slám aníng gár tlaakw ar naa tleéhh i káhh. Firor'eé' dír Munguhe ka hhohho'.

WARA'AMI 102:2

Bar baraá slahh'ámkwí dirií' mi sanahhaataar. Iiárií qaasáng bur fiririím mu/aywatsáng ar gaanslaay.

WARA'AMI 140:12

A xuú' AAKOÓ MUNGÚ hee gun sakwasleemár ganaá' i tleehh. Nee múk liitlakwén gun hariímar'ínií sláy.

WARA'AMI 142:1

Án ar afor'eene AAKOÓ MUNGÚ un ateetiím, un fiririím as iwa /iisi.

WARA'AMI 142:6

/Aa/ee'eé' iiárií qaaseek, asma aníng taa ló'wa waaqaá'! Baraá dabaá baramaanuuseero tu/áng, asma i /uuruú koná' ta aninge.

WARA'AMI 143:1

AAKOÓ MUNGÚ, firor'eé' iiárií qaaseek. /aa/ee'eé' axaaseek. Ar baraá inkihhimuuwók nee gan'amuuwoge án mu/aywatsáng,

WARA'AMI 145:18

AAKOÓ MUNGÚ ku tseéw dír kudaádá' sleémeero ngu ateetima'a, kudaádá' sleémeero ngu ateetimá' ar looeema.

WARA'AMI 18:20

AAKOÓ MUNGÚ ina gár hhoó' i tleéhh asma aníng niwa ganaa', nee ina tsuúq as dabahhohhoaarir'eé'.

WARA'AMI 18:44

Kangw'eé' kuwa axaás tari iialooeés, dahaaye nari amor'eéní hardát iri i tumbarara'atiyé'.

WARA'AMI 43:1

Mungú, án aleekalaa/áng, án aleeawáng dír múk gurtleemuú koomaakahe, wangexwaaráng dír múk al/aymuuse nee oo tlakwe, kudá' gan'amuú koomaaká.

WARA'AMI 5:2

Afór /aa/ee'eé' axaaseek, Aakoó Munguúeé' nee Waawutmooeé', asma kuúng an kudá' án ni fiririim.

WARA'AMI 54:4

Qaytsiít, alee/isay'eé' an Mungú, asma Aakoó Mungú inós slafíngw'eé' gun taami kón.

WARA'AMI 55:18

In ba/amis iri amohhe'ees, baraá slaqwaraadá' naa iimu/uumi, asma awa nee aníng slaqwá' ki yaariir.

WARA'AMI 61:1

Mungú, /aa/ee'eé' axaaseek, firór'eé' iiárií qaaseek.

WARA'AMI 61:2

Una i /aa/amiím niwa baraá hhapeemaá saawá' i dirii'. Qoomaadae niri mune sií'. Geeraharáng as niwa nahhaat baraá tlaa/ár ur.

WARA'AMI 66:19

Mungú aa kángw kilá' wa axaás, afór firor'eé' gaa iiárií qaás.

WARA'AMI 7:8

AAKOÓ MUNGÚ, kuúng xoordu in sakwasleemút. Aníng sakwasleemuutáng ar gan'amuueé' nee adoodá' aníng wa hariim.

WARA'AMI 84:9

Aakoó Mungú, kuúng baqmoorén i qaytsiteek, waawutmoodá' kuúng taa tsawát i qaytsiteek.

WARA'AMI 86:1

AAKOÓ MUNGÚ, án iiárií qaasáng, nee mu/aywatsáng, asma aníng a narkutmo nee ti dawa kaahaár.

WARA'AMI 86:6

AAKOÓ MUNGÚ, firor'eé' axaaseek, afor'eé' iiárií qaaseek.

WARA'AMI 88:3

Slahh'amuú yaariír iga sláy, tsaxwá aníng niwa gwaa'.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

YEREMIA 3:10

Tam adoorihe hhaeeín awa Yuda kudaá al/aymuuse naa amor'eénií ki/i'iiká ar muner'ín sleémeero, aqo har hhahhafiingw kilós. Anuú AAKOÓ MUNGÚ tí ngina oó'.»

Matayo 15:8

‹Mukwí aníng in ilaiwawaa/ ar afér tawo, ala muner'ín ka sawen dir'eene.

Yohana 1:47

Qoomár Yesu Natanaeli nguwa ár iwa amoorós kay, Yesu iri oó', «Ga/aaweek, heewí a heé Israelú kilá'. Waaqooda i káhh baraawose.»

1 Yohana 3:21

Sla'aaruúse, muneerén bar atén ti sakwasleemutká, daqaní dír Munguhe a da'ayumitaanaaká.