WARA'AMI 16:7 - Biblía Axweesantá Hhohho' ar Mungú 2004

⁷ Aníng AAKOÓ MUNGÚ un diidi'iimiís, kudá' aníng i hara'ayiyiím. Tam xweeraawo inós in intsaahhatimis baraá muunaáeene.

Ya/abtór hho' 1977

⁷ Aníng AAKOÓ MUNGÚ un diidi'iimiís, kudá' aníng i hara'ayiyiím. Tam xweeraawo inós in intsaahhatimis baraá muunaáeene.

WARA'AMI 16:7 Iomraidhean Croise

WARA'AMI 119:148

Xweera sleémeero a xumamiís iimi ngari fiíq, as al'axweesantók ngiwa aldakuut.

WARA'AMI 119:55

AAKOÓ MUNGÚ, xweeraawo án kuúng un inslasláw, nee dabeerók an aldakuút.

WARA'AMI 119:7

Aníng kuúng un xirfayeemiís ar muunuú /awaák, as adoodá' ira intsaahhatís ar kaahirók tidá' ganaa'a.

WARA'AMI 17:3

Kuúng iga haraxeér xweeraawo, iri tsee/aariín, muunaáeé' kuri xuuxu'uún. Kuúng ina iiát, ala gár tlaakw ar taa aán i káhh baraaeene. Aníng gár tlaakw aga ooiiká afkwe'eene.

WARA'AMI 22:2

Xáy, Munguúeé', án a /aa/amiím tlaatla/aango, ala kuúng iga mu/aywatská, nee qoomár xweeraawo a /aa/amiím ala amohhooa a slaslawaaká.

WARA'AMI 42:8

AAKOÓ MUNGÚ tlaatla/aango sla'aarirós ar warqawaaká ngi laqán, nee xweeraawo aníng Munguú nir slaaf un firiím, nee un xirfayeés ar daa'aangw.

WARA'AMI 63:6

Bura insláw baraá qatanir'eé' wa ale, kuúng un aldakuút xweera sleémeero.

WARA'AMI 73:21

Qoomár aníng niwa gurhaamuút, muunaáeé' iwa slahhaá',

WARA'AMI 73:24

In geeraharaahát ar gurbu'uungók, aluuwo iri ilaót baraá xirfuuwók.

WARA'AMI 77:2

Deelór slahh'amaayer'eene Aako una leeleéhh, dabaaeé' ina gáwtí tleés xweeraawo as nguwa fiririim. Muunaáeé' gurkwa/asa gari sií'.

WARA'AMI 77:6

Xweeraawo daa'angw'eé' un inslasláw, an baraá muunaáeénií axweés, nari kilooeé' daawimiít.

AXWEESANOÓ SAGALOOA 8:14

Aníng gurbu'uungw u koóm, nee sagalooaro, tsaahha a koóm sleeme nee /uuruuwo.

ISAYA 26:9

Baraá muunaáeene kuúng una islaasláw looa ngari fiíq, nee baraá qeerueene kuúng una tseewa leelehhtuú áw ar tsáp. Asma bál bar yaamu iga sakwasleemút, yaamuloouusér baraá yaamu hotaá ganaa'á' gi intsaatsáhh.

ISAYA 48:17

AAKOÓ MUNGÚ, kuduú ba/amusmoohúng, kudá' hhoohhoó' oo Israeli i kaahi, «Aníng a AAKOÓ MUNGÚ, Munguúhúng kudá' kuungá' nu intsaahhatamís as amohhooarhúng kawa sleera', kudá' kuungá' nu geeraharahaár ar baraá loohidá' ganaa' ooharo.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

YEREMIA 12:2

Kuúng inooín ina hátl, dee/ár nguri sihhiyé', nina urarayé' mamu ngiri laqwaaliyá'. Kuúng afer'ine burtu kah kwaáo tu tseéw, ala baraá muner'ine tu saáw.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

Luka 6:12

Qoomaadae Yesu iri gawaá tloomár i tláy as iwa firór ay. Looa gari gawaadá' wa tleés, iwa Munguú firiirin.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.