WARA'AMI 16:5 - Biblía Axweesantá Hhohho' ar Mungú 2004

⁵ AAKOÓ MUNGÚ, kuúng an aalir'eé', kuúng muruú aníng ni slaa' ngun hanmís sleémeero. Slafingw'eé' i baraá dabaawók.

Ya/abtór hho' 1977

⁵ AAKOÓ MUNGÚ, kuúng an aalir'eé', kuúng muruú aníng ni slaa' ngun hanmís sleémeero. Slafingw'eé' i baraá dabaawók.

WARA'AMI 16:5 Iomraidhean Croise

WARA'AMI 11:6

Tlakuuse gan gil'ór ásltií ku'uus nee tsángw aslto. Fur'ár dooraá kaahaar an slahhta'ín.

WARA'AMI 116:13

U ilahhooár difaáír i haniís asma iga ba/amís, nee AAKOÓ MUNGÚ un fiririím.

WARA'AMI 119:57

AAKOÓ MUNGÚ, aníng kuúng ugwa gurií baá/, al'axweesante'eé' ngi oó', «Aníng axweesantók a óh.»

WARA'AMI 125:3

Asma múk tlákw ku ya/anká iwa waawuti'in baraá yaamaá múk gan'amuú kooma, as múk gan'amuú koóm tlakweema mingiwa tleéhh.

WARA'AMI 132:11

AAKOÓ MUNGÚ Daudi guna al'axweesantá ló' i oó', slám i alií ki/iiká al'axweesantadá' ngiwa warqeesi, iwa kaahi, «Baraá daaqaywoge garmoó wák u iwiitiís gawaá kitaangók oo waawuti'iima.

WARA'AMI 142:5

AAKOÓ MUNGÚ, án kuúng u ateetiím, kuúng an dír guway'eé' ar saxmaar. Kuúng una gurií baá/ ta umuú gaaro baraá slafingw'eene.

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 23:5

Muruú /aymar'eé' un amohhe'és dír geeraá wakuuser'eé', sagw'eé' un iimbaláx ar di/i, slooqmooeé' kway hatsís, iri waa/.

WARA'AMI 73:26

Slaqwte'eé' nee muunaáeé' i /aaruyá'. Ala Mungú a /uuruú muunaáeé', nee an kwe'eé' ay alhhe'eesay wasle.

WARA'AMI 89:4

‹Waawuti'iima i qutlká dír xwaylaroge, waawuti'iimarók a gawdeés baraá qari sleémeero.› »

WARA'AMI 9:4

Aníng iga sakwasleemár i tléhh ar gan'amu, aga iwít gawaá kitángw aleesleemu sakwasleema kawa tlehh ar gan'amu.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 53:12

Gawaá adoorihe inós nee múk urén in al'iwitiís. Inós nee mukdá' /uureemaá koóm haasaáng ngun alqasimiisiyá'. Asma inós slafiingós guna haniís, kuri harafaár nee múk tlakuuse. Tam adoorihe tlakweemaá múk yaariír gina gagaár. Nee tlakuuse gari aleefiriirín.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

WA/AA/I 3:24

Aníng ana baraaeé' oó', «AAKOÓ MUNGÚ an aalir'eé', gawaá adoorihe, aníng inós un harahhiíf.»

Tlehhema'aá ya/Abuuse 2:32

Yésuuwí kuna waasle/atís nee Mungú, nee atén sleémeero a lamabu'uusér waasle/uuwós.

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.

1 Korinto 15:25

Asma Kristo gár kuwa hariím aqo in waawuti'ín ay dír Mungú wakuuseerós ngay gawaá dabaawós i qaasi.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

DABE 18:2

Ala inooín aali mingiwa slayé' dír hhaeeine, asma AAKOÓ MUNGÚ an aalir'ín, adoodá' ngira qaroó al'axweés.

DABE 32:9

Inós múk Yakobo guna qaás tawa mukós. Múk Yakobo guna tsawaár tawa aalirós.

YOSHUA 22:25

Asma AAKOÓ MUNGÚ yaaesír Yordani gana qaás tawa digmuú atén nee kuungaásingaá hhay Reubeni nee hhay Gadi. Daxta kuungá' dirhúng i káhh dír AAKOÓ MUNGUHE.› Gawaá adoorihe na/iihúng na/iirén ngi gee/asliyá', AAKOÓ MUNGÚ nguri mayá' sluufmisuwo.

YOSHUA 22:27

Ala una tleehhaán as tawa laya tla/ángw atén nee kuungá', nee tla/ángw xwaylarén ar aluú wa hi'iit, adór inooín ir hariná' AAKOÓ MUNGÚ nguwa sagadiyuusiya', ar ilahhooár da/a/aangw nee ilahhooár muruú ta tsu/i nee ilahhooár wayda, as kahhó' na/iihúng koorén mingiwa bayé', ‹Kuungá' dirhúng i káhh dír AAKOÓ MUNGUHE.›