WARA'AMI 16:10 - Biblía Axweesantá Hhohho' ar Mungú 2004

¹⁰ Asma, AAKOÓ MUNGÚ, kuúng aníng i baloó meeraaká baraá gi'ií alé, a ya/aandaaká heewók oo hhoohhoó' iwa hhitiruuti.

Ya/abtór hho' 1977

¹⁰ Asma, AAKOÓ MUNGÚ, kuúng aníng i baloó meeraaká baraá gi'ií alé, a ya/aandaaká heewók oo hhoohhoó' iwa hhitiruuti.

WARA'AMI 16:10 Iomraidhean Croise

YOBU 11:8

Uroó Mungú ina saweés ay dooriwo gawa. Kuúng gár ta aleesleer a milá? Sawemaá baraywo, gi'i gin harwaaraahh, kuúng gár xu'utiro ta alesleer a milá?

WARA'AMI 139:8

Bara tsa/ám gawaá doori, kuúng a deer! Bara /eét baraá gi'i kuúng a deer!

WARA'AMI 49:15

Ala Mungú aníng in tuu/ baraá /uuruú gwa'araro, nee inós aníng in ilaoh.

WARA'AMI 9:17

Tlakuuse amór i keer a baraá gi'i, tam múk xoordu kudá' Mungú ngwa gunqareesiye' sleeme i amoodá' kayá'.

AXWEESANOÓ SAGALOOA 15:11

AAKOÓ MUNGÚ gi'i nee hhituru'uumaro gi ga/áy, Áx alók inslawoó baraá munér muu gun ak xuiikáhe.

AXWEESANOÓ SAGALOOA 27:20

Gi'i nee hhituru'uuma i baloó hhe'eesiaaká, tam ilaá hee sleeme i baloó hhe'eesiaaká.

ISAYA 14:9

«Gi'i baraywo naa gwarangwaritiyé', as kiíng iwa ilaoohiya' bara baraadií hardát. Mukdá' aáng aa qaatl kungun tlees as iwa taaqweesár aya', nee mukdá' sleémeero oo waawituú xoordu kungun tlees gawaá kiteeri'ín kudaá waawuti'iimar'ín wa alé sleeme.

ISAYA 5:14

Gawaá adoorihe gi'i i muk'ín daamarná' ar haayi, afe nga awaatliyé' ay alhhe'eesay. Kudá' ilaiwa/amér koomá' awa múk Yerusalemu, tan baraadá' i dah ar daqooráy, tam nee kudá' sleémeero tí ngi saqwalala/a'a.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

TLAHHOÓ LAÁWI 19:28

Slaqoohúng mi siiqitaara' qoomár bar tsuunqumiisa', slaqoohúng mi iiree/imaara'. Aníng an AAKOÓ MUNGÚ.

AMOS 9:2

«Inooín tam i /eetiia baraá gi'i, aníng in baraadá' wa duúx, inooín tam i tsa/ana'a gawaá doori, aníng ngin gawaadá' wa aweeriís.

FAARO 6:6

Deelo sleémeero ar tiwa paraátl as AAKOÓ MUNGÚ, inós miwa bihhaá tuuárí tseewúy,

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Luka 16:23

Iwa slahhahhai didár múk aa qaátl wa ale, ina gáwtí qaytsiít, Abrahamu gway amorqá' saáw i ár, Lasaro i geeraawós i dirii'.

Luka 4:34

«Ahaá, Yesú Nasareti atén nee kuúng a milá? Nina hardáti as atén tiwa qwaares? Án kuúng u xuú' adór tar Kudá' hhoohhoó' oo Mungú.»

1 Korinto 15:42

Waasle/uú múk aa qaatl sleeme an adoorí. Slaqwa kan baraá hhapérí fool adoodár ilmo kur dahaasi. Slaqwtadá' taa foól a slaqwtá hhitiruut, tidá' waaslee/ a slaqwtadá' hhitiruutaaká.

DABE 32:22

Asltá buhhtaaeé' kaa oohiís, asla iri /ayiín ay baraá gi'i. Daanduú yaamu nee umuú gaaro guri /ák ihhafirír tlom'i ga /ák.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 20:13

Tlawi múk aa qaatl nguri dúx baraawós wa ale. Gwa'ara nee gi'i múk aa qaatl nguri baraaín wa duxuné'. Mukwí kuri sakwasleemuút umuúqo heewo ar har qoomoó tlehhemi'iiwós.