WARA'AMI 16:1 - Biblía Axweesantá Hhohho' ar Mungú 2004

¹ Na'ás Mungú, aníng de'eemáng, asma kuúng an dír guway'eé'.

Ya/abtór hho' 1977

¹ Na'ás Mungú, aníng de'eemáng, asma kuúng an dír guway'eé'.

WARA'AMI 16:1 Iomraidhean Croise

WARA'AMI 116:6

AAKOÓ MUNGÚ múk ta gaárií xuiiká gun de'én, qoomár aníng tiwa hara/untsín, inós ina ba/amís.

WARA'AMI 125:1

Mukdaádá' AAKOÓ MUNGÚ gwaa harahhiif a adór tloomár Siyoni, tidá' baloó dingitaaká, i hotaatiín daqisleém.

WARA'AMI 146:5

Heé amohhoó' a kudá' alee/isaay gu harahhiíf dír Munguú Yakobo, nee harahhifoorós i dír AAKOÓ Munguúwós.

WARA'AMI 17:5

Aníng loohirók ana eeharahár, tam aga baloó nikiitsiiká.

WARA'AMI 17:8

Án de'eemáng adór maamár iltá wa ale, lu/áng baraá mahhtuú hhaampi'iiwók,

WARA'AMI 22:8

I kaahiya', «AAKO guna harahhiífiíke? Ala musungu gweeriiká, bar ku sla'atimis nee inós, musungu ba/amisiiká?»

WARA'AMI 25:20

Án de'eemáng nee ba/amiisáng. Mitiwa mureekeés asma aníng nina dirók i goów.

WARA'AMI 31:23

AAKOÓ MUNGÚ sla'aak, kuungaásingá' sleémeero awa mukós oo hhohhó'. AAKOÓ MUNGÚ mukdá' inkihhimuú koom gun amohhe'emiis. Ala kudá' sagegawden gin doohhiis ar qoomoó hariímar'ín.

WARA'AMI 37:28

Asma AAKOÓ MUNGÚ sakwasleemár ganaa' ga slaa', tam mukós kudá' hhohhó' gu baseehuwiiká. Heé hota ganaá' gu de'én ay alhhe'eesay wasle. Ala xwaylár heé tlakusmo gan qwaarees.

WARA'AMI 56:1

Aá Mungú, án gurtlawáng, asma múk án slahh'eemiís i deer. Wakuuse in baramaanús tlaatla/aangw sleémeero, nee in slaqwarár i huwaahúp.

WARA'AMI 60:1

Aá Mungú, taa kwáhh, baqmoorén aga giqeér, kuúng aga búhh. Na'ás, ti malé adoodár aáng i ki/is.

WARA'AMI 7:1

AAKOÓ Munguúeé', aníng nina amoorógí goów. Ba/amisáng dír kudá' sleémeero aníng i gusisima'a, aníng alee/iisáng.

WARA'AMI 7:2

Mindiwa hardihiyé' adór dirángw wa ale, aníng iri feehhamisiyá', mitiwa uuruúx amór saáw i alé, dír heé i ba/amís iwa kahhi.

WARA'AMI 84:12

AAKOÓ MUNGÚ Aleesleemusámo, heé kuúng u harahhiíf ku amohhoó'.

WARA'AMI 9:10

Kudá' kuúng u xuá' u harahhifiyá', asma kuúng, AAKOÓ MUNGÚ, kudá' kuúng u leelehhiitá' iga meeriiká.

WARA'AMI 97:10

AAKOÓ MUNGÚ múk tlakweemaá ahhiít gu slaa', slafíngw heé hhoohhoó' gun xún, gin tuu/ gawaá dabaá múk tlakuuseero.

AXWEESANOÓ SAGALOOA 2:8

Loohír múk ganaá' gan de'én, nee mukós oo hhohhó' gun amohhe'eemiis.

2 korinto 1:9

Atén tari baraá muneerén i kaahaán daxta sakwasleemár gwa'ara aga slawaán, as atén kawa tsaahhaan adór tar gár hariimaaká atén tiwa kilootén i tlintiiaan, ala masók a Mungú un i tlintiiaán, kudá' múk aa qaatl gu aleesláw waasle/atisaro.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.