WARA'AMI 150:3 - Biblía Axweesantá Hhohho' ar Mungú 2004

³ Xirfayeemisaak ar afór tarumbeéta, xirfayeemisaak ar gitaa nee seése.

Ya/abtór hho' 1977

³ Xirfayeemisaak ar afór tarumbeéta, xirfayeemisaak ar gitaa nee seése.

WARA'AMI 150:3 Iomraidhean Croise

2 SAMUELI 6:15

Gawaá adoorihe Daudi nee múk Israeli sleémeero sandakmooduú AAKOÓ MUNGÚ kuna huúw ar bara/ nee afór ur ar tarumbeéta ay baraá gixsár Daudi.

2 SAMUELI 6:5

Daudi nee múk Israeli sleémeero ta daa', tari faakamiís ni/imaro ar /uuremoín sleémeero dír geeraá AAKOÓ MUNGÚ. Xoslaá tar daai kina slaáhh kudá' taa tleéhh ar xaa'aá ta/eewi, adór gidaandori nee mariímba nee oowiro nee kayambaro nee mitingiraywo.

1 QOM'I 15:20

Awa mariímba ngi slahhaamá' ar afór ta bay Alamoti a kuká': Sekaria, nee Asieli, nee Shemiramoti, nee Yehieli, nee Uni, nee Eliabu, nee Ma'aseya nee Benaya.

1 QOM'I 15:24

Kaahamuusér Mungú ar tarumbeétár ufahhaam geeraá sandakmoó Mungú wa alé a tí: Shebania, nee Yoshafati, nee Netaneli, nee Amasai, nee Sekaria nee Benaya nee Elieseri. Obed-edomu nee Yehia kina xuumuusér sandakmoó Mungú wa qaás.

1 QOM'I 15:28

Aluuwo múk Israeli sleémeero sandakmoó alqadór AAKOÓ MUNGÚ kunguna huúw baraá Yerusalemu ar kwaraa/ír ur, xareemi nee tarumbeétaro kiri ufaáhh, nee mitingiraay kuna tsingili'imiís, nee afo kari tleesa hhe'eés ar mariímba nee gidaandooraay.

1 QOM'I 16:42

Hemani nee Yedutuni i tarumbeétadaá koná' nee mitingiraywo, as kiwa slahhan, nee xooslaá daa'ango as daa'ángw hhohhó' kuwa daai. Daaqoó Yedutuni kuna xuumuusér afér gixsár wa qaás.

1 QOM'I 25:1

Waawutmo Daudi nee geeraharuusér tlahhoó Laáwi, muu bahh'alé baraá xwaylár Asafu nee ar Hemaniwo nee ar Yedutuniwo kuna tsawaár, as gadiyér sluufmis nee tawa aaririn ar xooslaá daa'aangw adór gidaandoori nee mariímba nee mitingiraay. Múk taa tsawaár as gadiyeérí a kwí:

2 QOM'I 20:28

Tawa hardáh Yerusalemu tana huuwísh baraá Doó AAKOÓ MUNGÚ, tay daá' ar mariímba nee ar gidaandori nee ar tarumbeetadu.

2 QOM'I 5:13

Qoomár mukdá' tarumbeétadaá ufahhaám nee daauuse afo kawa alqoomeés tawa AAKOÓ MUNGÚ sluufmiisi nee kuwa xirfayeemisi ar tarumbeetadu nee mitingiraay nee xooslaá hatlá' awa daa'aangw, tawa kaahi, «AAKOÓ MUNGÚ ku hhoó', asma sla'aarirós ar warqawaaká in kumaamít ay alhhe'eesay wasle.» Doó AAKOÓ MUNGÚ huunki gway tuuntúk.

WARA'AMI 108:2

Seése nee gidaandoóri, tlawaaré'! A daa'aán as da/aáw iwa daa/atuur!

WARA'AMI 149:3

Umuuwós ngu xirfayeesiye' ar ni/ima, nee kuwa i daai ar mitingiri nee gidaandoori.

WARA'AMI 33:2

AAKO MUNGÚ xirfayeemisaak ar gidaandoori, sa daa'aak ar seése,

WARA'AMI 92:3

ar afór gitaa, nee ar afór seése nee ar gídaandoori.

DANIELI 3:5

‹Qoomár afór xareemi nee ar filiímbiro nee ar gidaandoori nee ar seéseero nee ar mariímbaro nee ar oowiro, nee ar umuúqo xooslár daa'aango bara axasé' aqo gitsee/erhúng an yaamúr otá', nee murslaaqatuú aáng Nebukadnesa aa tleéhh ar sahaábu, guri sihhitís, un ii tumbararaa'atá'.

FAARO 10:10

Sleeme adoorí tleehhaak qoomár bar baraá qwal/amaaye, adór deelór ur bál slahhaangw birna ti'iít, nee deelór ur ar hatlá' ar ta tleehhamór wa sla'a', tarumbeéta ufahhaak qoomár bar ilahhooár da/aa/ángw hanmisá', nee ilahhooár wayda ar muruú ta tsu/i. Daqaní diirihe anuú Munguúhúng nun insláw. Aníng an AAKOÓ MUNGÚ, Munguúhúng.»