WARA'AMI 149:4 - Biblía Axweesantá Hhohho' ar Mungú 2004

⁴ Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

Ya/abtór hho' 1977

⁴ Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 149:4 Iomraidhean Croise

WARA'AMI 117:2

Asma sla'aarirós ar warqawaaká direne ka ló'wa ur, nee AAKOÓ MUNGÚ inkihhimuuwós in kumamiit ay kureerisleém! AAKOÓ MUNGÚ xirfayeemisaak!

WARA'AMI 132:16

Kaahamuuserós ka tuuntuuk ar ba/ama. Nee mukós kudá' hhohhó' iri baraa/ ar qwala/.

WARA'AMI 147:11

Ala AAKOÓ MUNGÚ múk i saqwalaala/i a kudaádá' inós gu ilaiwawaá/, kudaádá' sla'aarirós ar warqawaaká ngi harahhifá'.

WARA'AMI 22:8

I kaahiya', «AAKO guna harahhiífiíke? Ala musungu gweeriiká, bar ku sla'atimis nee inós, musungu ba/amisiiká?»

WARA'AMI 35:27

Kudá' waangexwaarar'eé' ngi sa qwalaala/á', i baraa/iye' nee i qwalaala/iye', nee i ooiye', «AAKO i xirfuuti, asma iwa qwalaala/i as amohhooár sagadiyusmoowós!»

WARA'AMI 90:17

AAKOÓ MUNGÚ, Munguúrén, masók hhohhoaarirók i gawaarén i dirí', gadiyér dabaarén ya/ameek, kuúng gadiyér dabaarén ka kwa/ás.

AXWEESANOÓ SAGALOOA 11:20

Heé saga gawít ku waak nee AAKOÓ MUNGÚ, Ala inós ku qwal/atamis nee mukdá' hhooeemaá tlehhiít.

DAA'AANGW 1:11

Ala atén kiíng i parootuusaán ar himtuú sahaábu kudá' taa qaalín ar muqslár peésa.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

YEREMIA 32:41

Aníng in saqwalaá/ ngiwa hhooeemáy tlehhiit, nee aníng inooín in baraá yaamuukií qaás ar inkihhimu nee ar muunaáeé' sleémeero, nee ar qeeruueé' sleémeero.»

SEFANIA 3:17

Asma AAKOÓ MUNGÚ, Munguúhúng, i baraá tla/angwhúng i dirii'. Inós a migusmoohúng oo nu ba/amís. Inós kuungá' nu sa baraa/ ar qwal/uú úr. Baraá sla'aarirose inós kuungá' nun /abees. Afór daa'aangw gan tlees as nuwa sa qwalaala/i.

Ebrania 12:10

Baabi'iirén awa slaqwa baraaká' yaamuwo atén tin muxaxiná' as slafingwí oo har qoomár niina. Slám tina muxiyé' ar har adoodá' inooín taa ár. Ala Mungú atén tin muux ar adoodá' atén ti gaa waa buu', asma inós gár i slai masók atén hhohhoaarirós tidá' an slawaán.

1 Petro 3:4

Ala hhohhoaarirhúng masók a hhohhoaaridár baraá muuná, tidá' geetlaakw, slám i hhitirutaká. A hhohhoaaridár muunuú tsatsa'aár nee amohhoa. An tidá' ló'wa afhhamít dír geeraá Munguhe.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.