WARA'AMI 149:3 - Biblía Axweesantá Hhohho' ar Mungú 2004

³ Umuuwós ngu xirfayeesiye' ar ni/ima, nee kuwa i daai ar mitingiri nee gidaandoori.

Ya/abtór hho' 1977

³ Umuuwós ngu xirfayeesiye' ar ni/ima, nee kuwa i daai ar mitingiri nee gidaandoori.

WARA'AMI 149:3 Iomraidhean Croise

2 SAMUELI 6:14

Daudi iri faakamiís ni/imaro dír geeraá AAKOÓ MUNGÚ wa ale, tlawuduú kaahamusmoó Mungú oo taa tleéhh ar neewór kitaáni gwa afeetlií siinoót.

2 SAMUELI 6:16

Sandakmoó AAKOÓ MUNGÚ kunguwa hardahaás baraá gixsár Daudi, Mikali dasír Saulo ina pa/ángwár qaytsít, waawutmo Daudi guri aán iwa ni/in geeraá sandakmoó AAKOÓ MUNGÚ wa ale. Inós Daudi guri waaqá' baraá muunaáwose.

1 QOM'I 16:42

Hemani nee Yedutuni i tarumbeétadaá koná' nee mitingiraywo, as kiwa slahhan, nee xooslaá daa'ango as daa'ángw hhohhó' kuwa daai. Daaqoó Yedutuni kuna xuumuusér afér gixsár wa qaás.

1 QOM'I 25:6

Inooín sleémeero kina geerahaár nee baabuúín, as iwa daaiya' Doó AAKOÓ MUNGÚ wa ale ar mitingiray, nee ar mariímba nee ar gidaandori as iwa Mungú sagadiyuusiya' baraá do'ós wa ale. Asafu nee Yedutuni nee Hemani nin gadiyuusiyá' ar hara'ayár waawutmo.

2 QOM'I 20:28

Tawa hardáh Yerusalemu tana huuwísh baraá Doó AAKOÓ MUNGÚ, tay daá' ar mariímba nee ar gidaandori nee ar tarumbeetadu.

2 QOM'I 29:25

Waawutmo Hesekia adoodá' AAKOÓ MUNGÚ aa Daudi báy ar loohír iigu'utusmo Gadi nee aarusmo Natani, gana eehár. Gawaá adoorihe múk tlahhoó Laáwi guri qaás baraá Doó AAKOÓ MUNGÚ, bahh'alé i mitingaroó koná', kookaariya' i mariímbár koná' nee bahh'ale i gidandooroó koná'. Gaarí an hara'ayár AAKOÓ MUNGÚ aa hara'ayín ar loohír aaruuse.

ESRA 3:10

Qoomár qwatsiiruuse iihhafiirír Doó AAKOÓ MUNGÚ ngiwa hhe'és, kaahamuusér Mungú tlabaaín kudaá gadiyeé ngiri dahaasiyé', nina hardihiyé' nee tarumbeetaduuine, nee múk tlahhoó Laáwi nee oo Asafu, tindina hardáh ar mitingiraay as AAKOÓ MUNGÚ kuwa xirfayeemisi, ar adoodá' kara oó' nee waawutmo Daudi, waawutmoó Israeli.

WARA'AMI 30:11

Kuúng niwa hardát tsuunqumisueé' una warqés tari bara/. Inqwaruú tsuunqumis una dúx iri qwal/atís.

WARA'AMI 33:2

AAKO MUNGÚ xirfayeemisaak ar gidaandoori, sa daa'aak ar seése,

WARA'AMI 81:2

Daa'ángw wara'ami oohaak, mataári slahhaak, gidaandoorír afo hhohho' nee seése slahhaak.

WARA'AMI 81:3

Tarumbeéta ufahhaak qoomár slahhaangw bir ni ti'imiit, qoomár slahhángw hoomoowo, deeloorén tidá' ure.

WARA'AMI 87:7

Daauuse nee ni/imuuse sleémeero ta ooi, «Muruurén oo hhó' sleémeero amór i dahhi a Siyoni.»

TI'INAANGW 15:20

Naagáy aaruso'o Miriamu, hho'ór Aroni, oowi gari taatáhh. /Ameena sleémeero iri aluuwós wa eehariín, i ooway'ín koná', ta hara ni/ín.

YEREMIA 31:13

Daqaní dasuuín i ni/ín nee tari qwalalaa/, masoomba nee múk aa diimaadini ta qwalalaa/. Aníng tsuunqumisuuín un warqeés tawa qwala/, in gurkwa/ás nee in qwal/atís kitángw gurhaamiro.

YEREMIA 31:4

Aníng kuúng un male tleéhh, nee kuúng adoodá' aáng tay diri' kay i kí/, aá Israeli, kuúnguudá' hhoohhoó'. Kuúng xoosladár ni/ima kari male taatáhh as tawa ni/iin ar qwal/uú úr oo bara/.

HAR'OHUUSE 11:34

Qoomár Yefta iwa waátl baraá slaqwararo amór do'ós baraá Mispárí ale, dasiirós guna al'eér ar neeto nee daa'aangw, i hara mitingaroó tsingili'imís. Dasiirí aayorose a wak, na/oó hatlá' i kaahh. Yefta na/oó hatlá' oo garma laqaá oo dasi gu konká.