WARA'AMI 149:2 - Biblía Axweesantá Hhohho' ar Mungú 2004

² Israeli tleehharusmooín ngu saqwalaala/iye', na/aá Siyoni Waawutmooín ngu sa baraa/iye'.

Ya/abtór hho' 1977

² Israeli tleehharusmooín ngu saqwalala/iyé', na/'aá Sayuni Waawutmooín ngu sa baraa/iye'.

WARA'AMI 149:2 Iomraidhean Croise

YOBU 35:10

Ala hee i kaahh oo káh, ‹Mungú kuduú Tleehharusmooeé' i amá? Kudá' xweeraawo aníng i bar/úr áw gaálaay?

WARA'AMI 47:6

Mungú sadaa'aak, eeít, daaé'! Waawutmoorén i daa'aak, eeít, i daa'aak!

WARA'AMI 95:6

Qwalaasé', u diidi'iimisaán nee u i tumbarara'ataán, a tumbarara'ataán dír geeraá AAKOÓ MUNGÚ, kudá' atén taa tleehh.

ISAYA 43:15

Aníng a AAKOÓ MUNGÚ, koohúng kudá' hhoohhoó' kuduú Tleehharusmoó Israeli, Waawutmoohúng.»

ISAYA 52:7

Xáy, i hhohhoaa'áy a adoomá heé ya/abtór hhó' koóm birna hardáh oo amór tloomár daáhh, kudá' wayduú káh, oo hhooeema gi káh, kudá' ba/amár alki/iít, kudá' gixsár Siyoni ga babáw, «Munguúwók i waawuti'ii'ín.»

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

Yoeli 2:23

«Qwalalaa/é', kuungá' múk Siyoni, AAKOÓ MUNGÚ, Munguúhúng saqwalala/aak, asma inós kuungá' nuna tluwoó buhareé i haniís ar afi qoomoó ganaá'. Tluwoó yaariír in tluuw, tluwoó buhaare, nee tluwoó saxi, adoodár kureeraá geera.

HABAKUKI 1:12

«Kuúng, AAKOÓ MUNGÚ, Munguúeé' Kudá' hhoohhoó', kuúng an daadeer iimír iimu/uungw wasle, nee an baloó alhhe'eesoó koondaaká. Kuúng AAKOÓ MUNGÚ, múk Kaldayo nguna tlés amooréní ale as tiwa sakwasleemuutiya'. Kuúng Tlaá/a, mukdá' ugwa aleesleemuú hanís as atén tiwa muxiya'.

SEFANIA 3:14

Aá múk gixsár Siyoni, daaé' ar afór ur, kuungaá múk Israeli tsimaahhuusé', Kuungaá múk gixsár Yerusalemu, qwalaala/é' nee baraa/é' ar mune sleémeero.

SEFANIA 3:15

AAKOÓ MUNGÚ sakwasleemarhúng gaa hingeés, wakuuserhúng gaa tsee/áy kwaáhh. AAKOÓ MUNGÚ waawutmoó Israeli, inós i baraá tla/angwhúng, gár tlaakw ar ta da'ayuta' in sangw káhh.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 21:5

«Múk gixsár Siyoni bawaak. Ga/aawaak, waawutmoohúng ni amorhúngií hardáh. Inós ku tsá'. Aa tsa/án gawaá daqwaay, nee gawaá gwarendmoó daqwaay.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

Luka 19:38

tari káh, «Waawutmo i xirfuuti, kudá' hardáh ar umuú Aako, Wayda gawaá doori nee xirif dír Mungú.»

Yohana 19:15

Inooín tari tseeamín, «Hingeeseek! Hingeeseek! Kikiieek!» Pilato iri oó', «Waawutmoohúng un kikiía?» Kaahamuusér uren ar Mungú iri ó', «Atén waawutmoó hatlá' u koomanaaká, aqo har waawutmoó múk Roma kilós.»

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.