WARA'AMI 148:14 - Biblía Axweesantá Hhohho' ar Mungú 2004

¹⁴ /Uuruú mukós ngwa bariilooeés, xirif gwa mukós oo hhohhó' i haniís, mukós Israeli, múk tseéw dirós i alé. AAKOÓ MUNGÚ xirfayeemisaak!

Ya/abtór hho' 1977

¹⁴ /Uuruú mukós ngwa bariilooeés, xirif gwa mukós oo hhoohhoó' i haniís, mukós Israeli, múk tseéw dirós i alé. AAKOÓ MUNGÚ xirfayeemisaak!

WARA'AMI 148:14 Iomraidhean Croise

WARA'AMI 112:9

Muu gun qaqáy ar muunuú /awaák, narkuute gan qaqáy tawó ale. Gurhhooarós i baloó fakaká. Heewí ku aleesleemuú i haniis nee slám ku ilaiwawaa/.

WARA'AMI 145:10

Aá AAKOÓ MUNGÚ, muruudá' sleémeero kuúng taa tléhh u sluufmiis. Nee mukók kudá' hhohhó' kuúng u diidi'iimiis.

WARA'AMI 149:9

Sakwasleemadá' taa inooín i gooín kawa tleehhi. Gaarí an tlehhmuú mukós gu xirfuú i sláw. AAKOÓ MUNGÚ xirfayeemisaak!

WARA'AMI 75:10

Mungú ina oó', «Múk tlákw un aleesleemu hayóh, ala kudá' hota ganaa'á' in aleesleemuú i haniís.»

WARA'AMI 89:17

Kuúng an /uuruuín oo úr, nee as sla'aariroge atén /uuruú arba/ati ugwa slawaán.

WARA'AMI 89:18

Gaambór atén ti baqamiim ar AAKOÓ MUNGÚ, waawutmoorén amór i dahhi a amór AAKOÓ MUNGÚ, kudá' Hhoohhoó' oo Israeli.

WARA'AMI 92:10

Ala kuúng aníng iga /uurií hanís adór kuduú saree/a, ina slík ar di/tá /awak.

YEREMIA 17:14

AAKOÓ MUNGÚ án hungu/uusáng, daqaní aníng a hunguú/. Ba/amisáng, daqaní aníng a ba/ám, asma kuúng an xirfuueé'.

Luka 1:52

Waawitá gwa hingeés baraá waawuti'iimar'ine. Kudá' liitlakwen gaa uráy haniís.

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»

Efeso 2:13

Ala hám daxta, baraá Kristo Yesuwo, kuungaádá' aáng saawá' bál geeraawo, tunda tseeweés as gwa'arár Kristo.

Efeso 2:17

Kristo niri hardáh, Ya/abtór hho' ar wayda ngiri alki/iít dír kuungaásingá' saawá' awa xoordaá hatlá', nee dír kudaádá' tseewá' awa múk Yahudi.

Efeso 2:19

Ala daxta kuungá' a dahaayeerooká, slám a múk waaraahhaaká, ala an yaamuloouuse dinkwa nee múk hhohhó', slám a múk doó Mungú.

DABE 10:21

Inós an xirfuuhúng, an Munguúhúng kudá' naa muruuwí urén i tleehh, nee oo waa/oo/amo kudá' taa aandé' ilahunge.

DABE 4:7

«Xooro tam ar wák ar ur i káhh ar munguúwós dirós i tseew adór atén nee AAKOÓ MUNGÚ, Munguúrén tir tsewén, qoomár bur alee/isáy firirimaán.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 SAMUELI 2:1

Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.