WARA'AMI 148:13 - Biblía Axweesantá Hhohho' ar Mungú 2004

¹³ Kuká' sleémeero umuú AAKOÓ MUNGÚ ngu xirfayeesiye', asma umuuwós kun ak úr ta umér hatlae, xirfuuwós yaamu gaa waaraáhh nee dooriwo.

Ya/abtór hho' 1977

¹³ Kuká' sleémeero umuú AAKOÓ MUNGÚ ngu xirfayeesiye', asma umuuwós kun ak úr ta umér hatlae, xirfuuwós yaamu gaa waaraáhh nee dooriwo.

WARA'AMI 148:13 Iomraidhean Croise

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

WARA'AMI 108:4

Asma sla'aarirók ar warqawaaká ka ur gawaá dooriwo, inkihhimuuwók ina hardáh ay gawaá huunkáy.

WARA'AMI 113:4

AAKOÓ MUNGÚ xoordu sleémeero gin sa waawuti'ii'ín, xirfuuwós doori gaa waraáhh.

WARA'AMI 150:6

Umuúqo gár hiinsluú kooma AAKOÓ MUNGÚ ngu xirfayeemis! AAKOÓ MUNGÚ xirfayeemisaak!

WARA'AMI 57:6

Tsaaxweeli kana qaás as tiwa ya'a' oohi. án nay ló'wa gurhaamuút, bohoongw ngwa dír geeraaeé' fooliyé', ala inooíná kilá' nay baraadí /eetiyé'.

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

WARA'AMI 8:1

AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero, kuúng xirfuuwók i haats dooriwo.

WARA'AMI 8:2

Xirfuuwók ku daa' nee na/aá ninakw, nee awa du'uuma'a, as wakuuseerók kawa xasltis nee kudá' tlaampa'amisá'.

WARA'AMI 8:9

AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero.

WARA'AMI 99:9

AAKOÓ MUNGÚ, Munguúrén, xirfayeemisaak. Tumbarara'aaté' gawaá tloomarós tidá' hhoohhoo' wa ale, asma inós an AAKOÓ Munguúdá' Hhoohhoó'.

DAA'AANGW 5:16

Afkós aa haáts axweesantá tsuua. Ar ló', ku hhoohhoó', Naagáy adoorí an adór sla'aarusmooeé' i dirii'i, aá /ameenár Yerusalemu.

DAA'AANGW 5:9

Ahaá, sla'aarusmoowók kwisíng gár i ak kon a milá ar sla'aaruusér hatlá' i koondaaká? Kiísíng hhoohhoo' ta /ameena sleémeerowo, ahaá, sla'aarusmoowók kwisíng gár i ak kon a milá ar sla'aaruusér hatlá' i koondaaká? Tam atén tiri adoosír harhheehhe'és.

ISAYA 12:4

Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

ISAYA 33:5

AAKOÓ MUNGÚ aa xirfuút asma inós i gáwtí dirii', Inós Siyoni gan dalaa/ ar sakwasleemár ganaa' nee hotaá ganaa'á'.

ISAYA 6:3

Umuú serafamowo nee kuqá' tina ateetiné', tiri babayé', «Oo Hhoohhoó', oo Hhoohhoó', oo Hhoohhoó' an AAKOÓ MUNGÚ Aleesleemusmo, yaamu sleémeero naa hatsiyé' xirfuuwose.»

SEKARIA 9:17

Xáy parootirós i hhohhoaaeér, daaqaay nee dasuuwo slaqo ngin tlehhiitiyá' ar balángw yaariír nee difaáír /aben.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Efeso 4:10

Kudá' aa aweer an kudá' aa tsa/an sleeme. Ina tsa/án gáwtá kilá', doori sleémeero gay waaraáhh, as mura' sleémeero nguwa hatsiisi, as inós iwa deér.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

1 Petro 3:22

Inós ina tsa/án gawaá doori, iri iwiít dákw doó /iyáy oo Mungú. Malayke nee kudá' aleesleemuú koomá' nee kudá' /uuruú koomá' kaa gawaá dabaawósií qaás.