WARA'AMI 147:5 - Biblía Axweesantá Hhohho' ar Mungú 2004

⁵ AAKOÓ Munguúrén ku úr, nee /uuruuwós ku yaariír, xu'utiirós i qoomoó koondaaká.

Ya/abtór hho' 1977

⁵ AAKOÓ MUNGÚRÉN ku úr, nee /uuruuwós ku yaariír, xu'utiirós i qoomoó koondaaká.

WARA'AMI 147:5 Iomraidhean Croise

1 QOM'I 16:25

Asma AAKOÓ MUNGÚ ku úr nee aa ló'wa xirfuút, inós i harín ilaiwa/ameero ta munguaá hatlae.

YOBU 36:5

Qaytsiít, Mungú i /uuruú kón slám inós i heé waaqaqaiiká, inós gár i xuiiká i káhh.

WARA'AMI 135:5

Aníng a xuú' adór AAKOÓ MUNGÚ kur úr. AAKOORÉN munguaá hatlá' gi baa/ sleémeero.

WARA'AMI 145:3

AAKOÓ MUNGÚ kun úr, masók kun ló'wa xirfayeemiis, nee uraywós heé tsaahharo gu asláw i kaahh.

WARA'AMI 40:5

AAKOÓ MUNGÚ, kuúng muruú yaariír oo waa/oo/amór koóm ugwa tléhh, nee inslawaywók daanduurene ku úr. Heé ta kuúng ar qoomeesi i kaahh. Tí sleémeero bar alki/ituú wa slaá' nee daharemisuuwo, ka ló'wa yaariir tam alki/ituuwo a aleeslawaaká.

WARA'AMI 48:1

AAKOÓ MUNGÚ ku úr, i harín kuwa ló'wa xirfayeemisi, baraá gixsár Munguúrene, gawaá tloomarós tidá' hhoohhooe.

WARA'AMI 96:4

Asma AAKOÓ MUNGÚ ku úr nee uraywós ku xirfayeemisi ló'wa ale, inós ku ilaiwawa/i taa mungui sleémeero.

WARA'AMI 99:2

AAKOÓ MUNGÚ baraá gixsár Siyoniro ku úr. Xirfuuwós i gawaá daanduú xoordu sleémeero.

ISAYA 40:28

Ahaá kuungá' a xua'aakáhe? Asma kuungá' aga axasi'iikáhe? AAKOÓ MUNGÚ an Munguú alhhe'eesay wásl, Inós an kudá' yaamu gaa tleehh. Inós i slaaqatiiká laqaá i nusqutiiká. Xu'utirós tsaahharo ka gawit.

YEREMIA 10:6

Aá AAKOÓ MUNGÚ, oo adór kuúng i kaahh tumu wák, kuúng tu úr, umuuwók i /uuruú kón.

YEREMIA 10:7

Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

DANIELI 2:20

Danieli iri oó', «Umuú Mungú ku xirfeemamisi ay alhhe'eesay wasle, asma sagalooa nee aleesleemu a kós.

NAHUMU 1:3

AAKOÓ MUNGÚ ku inslaahheeká buhhtaawo, ala aleesleemuú yaariír gu kón, slám heé tlakusmo gu baloó harafaariiká tawa heé dakuús wásl. Lohduuwós i baraá fur'ár bambaao nee tluwoó duki, nee huunkáy a teerír ya'aawós.

Rumi 11:33

Ga/aaweek, xáy, daqaari'iimár Mungú adór kar úr, nee sagalooarós nee xu'utiro. Heé sakwasleemarós tsaahharo ga aleesláw a heemá? Heé lohuduuwós leelehhtuuwo gi aleesláw a heemá?

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.