WARA'AMI 147:14 - Biblía Axweesantá Hhohho' ar Mungú 2004

¹⁴ Inós wayda gu sagesihhimiit baraá digmuú ayaawoge. Nun aaxamiis muruú /aymár hhoe.

Ya/abtór hho' 1977

¹⁴ Inós wayda gu sagesihhimiit baraá digmuú ayaawoge. Nun aaxamiis muruú /aymár hhoe.

WARA'AMI 147:14 Iomraidhean Croise

1 QOM'I 22:9

Ga/aaweek, na/oó garma ku xwaylúy do'oge, inós tari heé wayda. Inós un waydií haniís dír wakuuseerose umuúqo barto, asma umuuwós ku bay, Solomon. Aníng wayda nee amohhooaro ngiri haniís dír múk Israeli qoomár waawuti'iimarose.

WARA'AMI 122:6

Yerusalemu aleefiririmaak i waydúr hot. «Mukdá' sleémeero kiíng i slaá' ta hooti ar amohhooa.

WARA'AMI 132:11

AAKOÓ MUNGÚ Daudi guna al'axweesantá ló' i oó', slám i alií ki/iiká al'axweesantadá' ngiwa warqeesi, iwa kaahi, «Baraá daaqaywoge garmoó wák u iwiitiís gawaá kitaangók oo waawuti'iima.

WARA'AMI 132:15

Muruú /aymaarós sleémeero oo baraadá' u tsuúq, narkuuteerós a aaxiís.

WARA'AMI 29:11

AAKOÓ MUNGÚ mukós gu /uurií haniis, AAKOÓ MUNGÚ mukós gu tsuuq ngway waydií haniis.

WARA'AMI 81:16

Kár ee, aníng geeraawo kuúng ugwa /aymiís ar angaánoó hhó'. Nee geeraawo un /aymiís ar danuú baraá pa/mír tlaa/a.

ISAYA 66:12

Asma AAKOÓ MUNGÚ i kaahi, «Ga/aawaak, gixsár Siyoni a diihhooárí huúw adór yaaér ma'aay, nee daqaari'iimár xoordu adór duxuú ma'aay oo wa/amiím. Kuungá' tari du'uundá' tunduri bihhér ar loohiis, nee tunduri gawaá geeraawós wá uluu'ulín.

ESEKIELI 16:13

Naagáy tari ló'wa hhoohhoouúr as parootír sahaábu nee peésa. Tlabaawók tari awa neewór kitaánír hhohho' nee hariíri, slám kaa mardaádír i tleéhh. Muruú /aymarók gár kur qamiin a puuruú hhohhó', danú una /ák, nee muruú /aymarók un di/tí qamiín. Tari parootuso'o ló'wa ale adór waawuto'o.

ESEKIELI 27:17

Tam múk Yuda nee oo Israeli halaanu'uuma ngina tleehhiyé' nee kiíng. Inooín angaáno nguna hanisiyé', nee seituúni, nee /aantsír aa geerií hamat, nee dane, nee di/i nee mooyángw tsuú', as bu'utuú muruuwók.

TLAHHOÓ LAÁWI 26:6

«Nun waydií haniís baraá yaamuwo, tam tari guá', tundu dae tlaaqiiká. Makaá xaraaslá' in hingeés baraá yaamuwo, nee yaamuuhúng slaqwara gi baloó haradatká.

SEKARIA 9:8

Aníng xafay'eé' un tleéhh bihhe sleémeero ar dooeé' adór xuumusmo, as hee tumu wák miwa baraadá' wa taamberuús, tam baramaanusmoó gi arbaá/ i kaahh, asma daxta slahh'amuuín ugwa ár ilaeene.

DABE 32:14

Inooín di/i nee ilwa ngina dír hikwá wa slayé'. Di/tá bee/aangw nee ar gwaandaawe ngina slayé', daqoroó Bashani oo awe nee aara, dinkwa nee angaánoó ló'wa hhohhó'. Difaáír /aben ar mamaá sabiíbu ana wahaandé'.