WARA'AMI 146:9 - Biblía Axweesantá Hhohho' ar Mungú 2004

⁹ AAKOÓ MUNGÚ dahaaye ga amohhe'eemiis, panaay nee kwaeeli gin /uurií qamín. Ala múk gana'aaká gun qwaarees.

Ya/abtór hho' 1977

⁹ AAKOÓ MUNGÚ dahaaye ga amohhe'eemiis, panaay nee kwaeeli gin /uuruú i qamín. Ala múk gana'a'aaká gun qwaarees.

WARA'AMI 146:9 Iomraidhean Croise

2 SAMUELI 15:31

Qoomaarihe, Daudi kuri báy, «Tam Ahitofeli, heé wák oo aa dee/aanuut, inós aa haraagwaá' dír Absalomu.» Ala Daudi iri firín iri oó', «AAKOÓ MUNGÚ, án kuúng u firiím, kaahír Ahitofeli i payshut.»

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

ESTA 5:14

Naagáy hareerós Sereshi nee mulqeerós sleémeero Hamani kuri báy, «Xa'anoó tleér kungu tleehhi oo miíta mibeeri tsár nee tsár, daqaní matlo matlaatleero waawutmo ku ádbeér Mordekai ku gawaadií tarereei. Daqaní tari dát ar qwala/ baraá muruú /aymár i alé dinkwa nee waawutmo.» Axweesantí Hamani gari slaá', xa'ano guri tleéhh.

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

ESTA 9:25

Ala qoomár Esta iwa amór waawutmoó keér, waawutmo hara'aya gari oó' barwadu kiwa gooin as adoodá' tlaakw Hamani aa qoomeés daanduú múk Yahudiro kawa gawaawós i tleehhi nee daaqaywós kuwa tarereín gawaá xa'ano.

WARA'AMI 10:14

Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

WARA'AMI 145:20

AAKOÓ MUNGÚ kudaádá' sleémeero ngu sla'á' gin amohhe'eemiis, ala tlakuuse sleémeero gan qwaarees.

WARA'AMI 147:6

AAKOÓ MUNGÚ múk ti niinaweemiís gun gáwtí oh, ala kudaádá' sagegawden gin naasúy yaamií ale.

WARA'AMI 18:26

Dír kudá' hhohhoe kuúng tin laqaán tuwa hhoohhoó'. Dír kudá' xaraasla'a tin laqaán tawa xarasl.

WARA'AMI 68:5

Mungú baraá do'ós kudá' hhoohhooe an baabuú panaay nee har'ohusmoó kwaeeli.

AXWEESANOÓ SAGALOOA 15:25

Doó heé daara/aám ku yaamií slaax nee AAKOÓ MUNGÚ, Ala digmuú /ameenír kwaalo'o gun xún.

AXWEESANOÓ SAGALOOA 4:19

Ala loohír múk tlákw a adór ma/amír aa qipit, Gár inooín gi gee/asliim ngi xuiaaká.

YEREMIA 49:11

Na/iihúng awa panaay mawaak aníng ngi /aymiís, kwaeelihúng aníng i harahhifiye'.»

HOSEA 14:3

Múk Ashuru atén ti ba/amisiiká. Atén sleeme farsuú slaqwara u malé harahhifanaaká, nee gadiyér dabaarén a male bawanaaká, ‹Kuungá' a munguúrén.› Asma diroge panaay gurtleemu gu sláy.»

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

1 Korinto 3:19

Asma sagalooár muu a daktu'uuma dír Munguhe. Asma Gooi i kat, «Mungú múk sageeloén gu ohaahín baraá al/aymar'ine.»

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.