WARA'AMI 146:6 - Biblía Axweesantá Hhohho' ar Mungú 2004

⁶ Kuduú tleehharusmoó doori nee yaamu, tlawi nee mura' sleémeero kudá' baraaíní diriia, tidá' sleémeero aa oó' gan boo/ees ay alhhe'eesay wasle.

Ya/abtór hho' 1977

⁶ Kuduú tleehharusmoó doori nee yaamu, tlawi nee mura' sleémeero kudá' baraaíní dirii', tidá' sleémeero aa oo' gan boo/ees ay alhhe'eesay wasle.

WARA'AMI 146:6 Iomraidhean Croise

IIMU/UUNGW 1:1

Iimu/uungo Mungú doori nee yaamu ngiwa tleéhh,

WARA'AMI 100:5

Asma AAKOÓ MUNGÚ ku hhoó', sla'aarirós ar warqawaaká ka alhhe'eesay wasl, nee inkihhimuwós oo umuú qari.

WARA'AMI 115:15

AAKOÓ MUNGÚ nu tsuuqi, oo doori nee yaamu gaa tleehh.

WARA'AMI 117:2

Asma sla'aarirós ar warqawaaká direne ka ló'wa ur, nee AAKOÓ MUNGÚ inkihhimuuwós in kumamiit ay kureerisleém! AAKOÓ MUNGÚ xirfayeemisaak!

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

WARA'AMI 89:2

Aníng a xuú' sla'aarirók ar warqawaaká i kumít daqisleém, inkihhimuuwók i dikii' adór iihhafiirír doori.

WARA'AMI 89:33

Ala aníng Daudi aqo un slaá' ar sla'aarír warqawaaká, slám al'axweesante'eé' a lama tleehhaaká dirose.

WARA'AMI 95:5

Tlawi a tós asma gana tleéhh, yaamaá kaahaar inós gina tleéhh ar dabaawós.

WARA'AMI 98:3

Sla'aarirós ar warqawaaká nee inkihhimuuwose ga insláy dír múk Israeliwo. Baraá yaamu sleémeero baalír Munguúrén kaa ár.

TI'INAANGW 20:11

Asma AAKOÓ MUNGÚ ina gadiyuús deelo lahhoó', yaamu nee doori gina tleéhh nee tlabeemo nee umuúqo gár dawa, ala bál faanqwe iri hungu/uús. Gawaá adoorihe AAKOÓ MUNGÚ baalár Sabaáto gari tsuúq, gari hhoohhooeés.

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

DANIELI 9:4

AAKOÓ MUNGÚ, Munguúeé' una firiím, nee niri gwadidiím niwa kah: Aá Aáko, kuúng an Munguú úr nee oo ta da'ayumiti. Kuúng tu inkihhím daanduú alqadoroge, nee sla'aarirók i warqeeraaká dír kudá' kuúng u sla'a' nee hara'ayaarók ngi ilaiwawa/á'.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

Yohana 1:3

Mura' sleémeero ina tleehharuút ar inós. Geera bar inoseeká, gár aa tleehharut i káhh, baraá muruuwí sleémeero aa tleehharuuti.

Yohana 10:34

Yesu iri oó', «Ahaá, kaa gooínke baraá hara'ayár Mosewo tidá' Mungú iwa oó', ‹Kuungá' a mungui.›

Tlehhema'aá ya/Abuuse 14:15

«Múlqe, kuungá' gár adoorí kas tlehhita' a milá? Atén a múk adór kuungá'. Atén kuungá' nuna Ya/abtór hhó' ií huwaán, as kuungá' tawa warqeera' baraá muruuwí tlakwe, Munguúdá' slaáf kuwa i warqeera', kudá' doori nee yaamu nee tlawi gaa tleehh, nee muruudá' baraadií diriia sleémeero.

DABE 7:9

Gimsé, xuaak AAKOÓ MUNGÚ, Munguúhúng, inós an Mungú, a Munguú inkihhimuú koóm, kudá' alqadoorós gaa oh nee sla'aarír warqawaaká gan laqaaqán ay qari sleémeero, dír mukdá' inós gu slaá' nee hara'ayaarós gaa oh.

Kolosai 1:16

Asma Mungú mura' sleémeero oo gawaá doori nee oo baraakaá yaamu guna tleéhh ar inós, muruudá' geehhoó' nee kudá' geehhooeeká, kudá' baraá yaamaá qeeruú i dirií', adór kiteeraá aleesleemu, nee waawuti'iima nee geeraharuuse, nee kudá' sleémeero /uuruú koomá'. Mura' sleémeero Mungú guna tleéhh ar loohír Kristo, nee as inós.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»