WARA'AMI 146:4 - Biblía Axweesantá Hhohho' ar Mungú 2004

⁴ Hiinsluú hee in ti'iit iri kii/ baraá hhape, baldae muruudá' sleémeero aa qoomaameés in qwaar.

Ya/abtór hho' 1977

⁴ Hiinsluú hee in ti'iit iri kii/ baraá hhape, baldae muruudá' sleémeero aa qoomameés in qwaar.

WARA'AMI 146:4 Iomraidhean Croise

IIMU/UUNGW 2:7

AAKOÓ Mungú hee guri tleéhh ar hhape, guri hiinsluú slafíngw i ufaáhh, hee tari heé slaáf.

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

IIMU/UUNGW 6:17

Nee ga/aaweek, aníng tluwoó ló'wa úr ngu huúw baraá yaamu, as umuúqo gár slafa ngiwa hhitiim, as miwa deerút baraá yaamuwo. Umuúqo gár baraá yaamií diriia i gwá'.

YOBU 14:10

Ala hee bira gwaá' i baloó kí/i? Hhiintla burngwa sa tsiqiít, gár aa met a milá?

YOBU 14:21

Na/iiwós birka ilaiwaá/, inós gár i xui i káhh, birka daáhh inós gár i ara'ari i káhh.

YOBU 17:1

«Aníng aga diqay tsatiít, deelor'eé' aa fák, /aantar'eé' kaa amohhe'eés.

YOBU 17:11

Deelor'eé' aa fák, kangw'eé' kudá' naa qoomeemeés aa hhitiruút, harahhifor'eé' aa payshút.

YOBU 27:3

Dír hiinslueé' ir kumiiti, nee dir qeeruú Mungú ir baraeéní kahhi,

WARA'AMI 104:29

Bira alaá xu'ús nin deewaiyá'. Hiinsluuín bura hiingés, tan qaatl, tay kii/ baraá hhapeedá' i dahhiya'.

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

WARA'AMI 90:3

Hee un ki/ís baraá hhapeérií alé, bara ó', «Kuungá' muu, ki/é' baraá hhape amoodá' ta dahha'.»

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

DAHARUSMO 9:6

Sla'aarir'ín nee aahhir'ine nee ilatleeri'ine naa qwaariyé' dinkwa nee inooine, inooín gár iwa dinku'uusiya' i káhh baraakaá yaamuwo.

ISAYA 2:22

Hee mawaák, slafiingós i hootiiká, a adór hiinsla, inós gár kuwa haraafat a milá?

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

DANIELI 5:23

Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

1 Korinto 2:6

Ala sagalooa i deer ar atén ta axweesaan dír múk aa kwa/i baraá slafíngw qeeruuwo. Ala sagalooarí atén ta axweesaan ti slasleeraaká nee sagalooár yaamuuká'. Slám ti slasleeraaká nee sagalooár mukdá' aleesleemuú koóm baraaká' yaamuwo. Asma inooín kaa qaroó sakwasleemuút kiwa qwaareesi.