WARA'AMI 145:17 - Biblía Axweesantá Hhohho' ar Mungú 2004

¹⁷ AAKOÓ MUNGÚ i gan'amaayér kón baraá lohuwós sleémeero, nee ku hhoó' baraá umuúqo gár i /imiisi.

Ya/abtór hho' 1977

¹⁷ AAKOÓ MUNGÚ i gan'amaayér kón baraá lohuwós sleémeero, nee ku hhoó' baraá umuúqo gár i /imiisi.

WARA'AMI 145:17 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

2 SAMUELI 22:31

Gár Mungú i tleehhi i xaslxanslír koondaaká! Al'axweesantá AAKOÓ MUNGÚ i warqaqeeraaká, inós a baqmoó dír kudá' sleémeero naa amoorósií guwi'i.

YOBU 34:10

Gawaá adoorihe, kuungásingá' tsaahhár koomá', aníng iiarí qaasaré', a gár ya/aamaaká Mungú tlakweema ngiwa tleehhi, nee Munguú Aleesleemusmo i baloó dakuusiiká.

YOBU 34:12

Looeemá kilae Mungú gár tlaakw ga tleehhiiká, nee Munguú Aleesleemusmo kwasleemár hee ga baloó hhitinká.

WARA'AMI 103:6

AAKOÓ MUNGÚ kwasleema gan tleehh ar loohír ganaa'. Mukdaádá' ta baramaanuusi gun hariimar'ínií ki/is malé ale.

WARA'AMI 112:4

Heé hhoó' gwa/aateema ngun i gwa/aatiyá' baraá giwtírí alé, inós i gurtleemuú kón nee gurhhooa nee gan'amu.

WARA'AMI 116:5

AAKOÓ MUNGÚ i haats gurhhooaro nee gana'amuwo, Munguúrén i gurtleemuú kón.

WARA'AMI 50:6

Doori gan'amuuwós ngu alki/iitiyá'. Asma Mungú inós an sakwasleemusmo.

WARA'AMI 89:14

Gan'amu nee sakwasleemár ganaa' an iihhafiirír waawuti'iimarók, sla'aarirók ar warqawaaká nee inkihhimu ki geehhoo', baraá umuúqo gár ta tlehhiita.

WARA'AMI 97:2

Huunkoó bó/ oo qoomár ma/mi Aakoó Mungú gwaa harweér, hhooeema nee sakwasleemár ganaa' an iimu/úngw waawuti'iimarós.

ISAYA 45:21

Kangwsíng ooare' ar gwa/aateema ti dinkwaárí hara'ayinde'. A heemá heé kaangwí naa ti'imiit gwa geerií oo'? Heé muruuwí ngwaa geerií alki/iit a heemá? Xáy, aqo aníngeéke AAKOÓ MUNGÚ? Munguú hatlá' i kaahh aqo har aníng kilooeé'. Munguú ganaá' nee oo ba/amusmo oo hatlá' i kaahh aqo har aníng kilooé'.

SEFANIA 3:5

Ala AAKOÓ MUNGÚ baraadae in hota ganaa' gár tlaakw ga baloó tleehhiiká, Umuú matlaatlér xawa sakwasleemarós tidá' ganaa' gan geehhooatimis. Umuú looár tlawa aa baloó munesi'iiká, ala tam adoorihe múk tlákw mure ga xuiiká.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.

Geehhoeemaá 19:2

Asma sakwasleemarós ar ló' nee i ganá'. Inós tsaatuso'oodá' ur, tidá' yaamu gaa hhitiin ar tsaatu'uumarós, gaa sakwasleemuút. Mungú gana li/áy buú' asma inós sagadiyuusér Mungú gana tsú/.»

Geehhoeemaá 4:8

Nee muruuwí slaáf tsiyahhaawo umuúqo gaaro hhampe'eeraá lahhoó' gi koón. Nee hhampe'eeriká' kaa harweér nee ila', nee tam baraá guruú hhampe'eeriwo. Muruuwí i daa' xweera nee tlaatla/aangw, ta hungu/uumisiiká sleeme. Gár ta daai a tí, «Aakoó Munguú Aleesleemusmo inós ku hhoohhoó', ku hhoohhoó', ku hhoohhoó'. Inós an kudá' qaroó daadáw, nee an kudá' dáw, nee kudá' sangw hardáh sleeme.»