WARA'AMI 145:10 - Biblía Axweesantá Hhohho' ar Mungú 2004

¹⁰ Aá AAKOÓ MUNGÚ, muruudá' sleémeero kuúng taa tléhh u sluufmiis. Nee mukók kudá' hhohhó' kuúng u diidi'iimiis.

Ya/abtór hho' 1977

¹⁰ Aá AAKOÓ MUNGÚ, muruudá' sleémeero kuúng taa tléhh u sluufimiis. Nee mukók kudá' hhoohhoó' kuúng u diidi'iimiis.

WARA'AMI 145:10 Iomraidhean Croise

WARA'AMI 103:22

AAKOÓ MUNGÚ diidi'iimisaak, kuungaádá' sleémeero taa tleéhh, umuúqo dír ti dir'a'a baraá waawuti'iimarose. Muunaáeé', AAKOÓ MUNGÚ diidi'iimiseek.

WARA'AMI 104:24

AAKOÓ MUNGÚ, muruú kuúng taa tléhh ku ló'wa yaariír. Mura' sleémero una qoomés ar sagalooa, yaamu naa hatsiyé' muruú kuúng taa tlehhi!

WARA'AMI 149:5

Múk inkihhím AAKOÓ MUNGÚ ngu sa baraa/iye' ar xirif, ta daai ar afór ur baraá qateenooine.

WARA'AMI 19:1

Doori i xirfuú Mungú geehhooatimisiyá', nee sleeme i gadiyér dabaá Mungú dahareemisiyá'.

WARA'AMI 22:23

Kuungaásingaá AAKOÓ MUNGÚ ilaiwawa/á', xirfayeemisaak! Kuungaásingaá awa xwaylár Yakobo, diidi'iimiisaak, kuungá' sleémeero awa xwaylár Israeli, AAKOÓ MUNGÚ ilaiwawa/aak!

WARA'AMI 30:4

AAKOÓ MUNGÚ i daa'aak, kuungá' mukós kudá' inkihhím, umuuwós oo hhoohhoó' diidi'iimisaak.

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

WARA'AMI 32:11

AAKOÓ MUNGÚ sa qwalaala/aak, i baraa/aak, kuungaásingaá hota ganaa'á'. Ururu'umisé' ar qwala/ kungaásingaá sleémeero mune gan'ayen.

WARA'AMI 57:9

Aáko, án kuúng u sluufiís tla/ángw múk wa ale, uri xirfayeemiís ar daa'aangw tla/ángw xoorduú wa ale.

WARA'AMI 68:26

«Mungú diidi'iimisaak baraá boo/oó ure, AAKOÓ MUNGÚ xirfayeemisaak, kuungá' sleémeero awa xwaylár Israeli!»

WARA'AMI 69:35

Asma Mungú gixsár Siyoni ga ba/amis, nee gixsadaá Yuda gi malé tleehh, nee sagadiyuuseerós iri baraadá' wa hót, yaamuudá' tari kooín.

WARA'AMI 97:12

Kuungaásingaá hota ganaa'á', AAKOÓ MUNGÚ saqwalala/aak, nee umuuwós kudá' hhoohhoó' sluufmamisaak.

ISAYA 44:23

Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.