WARA'AMI 145:1 - Biblía Axweesantá Hhohho' ar Mungú 2004

¹ Aá Munguúeé', kuúng an waawutmooeé', án kuúng u iiatleés. Umuuwók un diidi'iimaamiís ay alhhe'eesay wasle.

Ya/abtór hho' 1977

¹ Aá Mungúeé', kuúng an waawutmooeé', án kuúng u iiatleés. Umuuwók un diidi'iimaamiís ay alhhe'eesay wasle.

WARA'AMI 145:1 Iomraidhean Croise

1 QOM'I 29:13

Daxta Munguúrén, atén kuúng u sluufisaán nee umuuwók u xirfayeemisaán.

WARA'AMI 100:1

Afór ur tleesaak, AAKOÓ MUNGÚ i baraa/aak! Kuungaá baraá yaamu sleémeero.

WARA'AMI 118:28

Kuúng a Munguúeé', u sluufmiís, u diidi'iimiís, Munguúeé' a kuúng.

WARA'AMI 145:21

Afkwe'eene xirfuú AAKOÓ MUNGÚ u alki/iít. Kudá' hiinslá' sleémeero umuuwós kudaádá' hhoohhoó' ngu diidi'iimisiye' ay kureeraá kureér.

WARA'AMI 146:2

AAKOÓ MUNGÚ u xirfayeemiís qoomár niwa hoot, Munguúeé' un i daá' qoomár niwa slaaf.

WARA'AMI 149:2

Israeli tleehharusmooín ngu saqwalaala/iye', na/aá Siyoni Waawutmooín ngu sa baraa/iye'.

WARA'AMI 30:1

AAKOÓ MUNGÚ, án kuúng u xirfayeemiís, asma iga ki/ís afkú bohóngw wa ale, nee wakuuser'eé' aga ya/aandiiká iwa qwalaala/ daandueene.

WARA'AMI 30:12

Daxta án kuúng u diidi'iimiís ar muunaáeé' sleémeero, slám a baloó xasliitaaká. AAKOÓ MUNGÚ, án kuúng un sluufmiís ay kureeraá kureér.

WARA'AMI 30:2

AAKOÓ Munguúeé', án kuúng una i /aa/amiím, nee iga hungu/ús.

WARA'AMI 34:1

Aníng AAKOÓ MUNGÚ u diidi'iimiís qooma sleémeero, inós afkwe'eene u xirfayeemiís daqisleém.

WARA'AMI 44:4

Kuúng an waawutmooeé' nee Munguúeé', kuúng xwaylár Yakobo baalírií haniiseek.

WARA'AMI 45:1

Muunaáeé' aa haáts /ayma'aá hhoe. Waawutmo u daa'angw'eé' i daá'. Tsifrangw'eé' a adór kalaámuú goousmoó dawa inslaáhh.

WARA'AMI 45:6

Mungú, kitaangók oo waawuti'iima i hotatin kureerisleém, Waawuti'iimarók a waawuti'iimár gan'amu.

WARA'AMI 5:2

Afór /aa/ee'eé' axaaseek, Aakoó Munguúeé' nee Waawutmooeé', asma kuúng an kudá' án ni fiririim.

WARA'AMI 5:3

AAKOÓ MUNGÚ, matlaatleero afor'eé' iiárií qaaseek. Matlaatleero án ti amohhe'eés sluufay'eé' nguwa dirógí oo', nee uri daám.

WARA'AMI 52:9

Mungú, án kuúng un sluufmiís daqisleém, asma muruú taa tléhh. Aníng adór kuúng tur hhoó' a alki/iít dír mukoge.

WARA'AMI 68:4

Mungú i daa'aak, umuuwós xirfayeemisaak, loohír waarahhama geeraawós ti tlehhe', inós a kudá' baraá darmúr waaraáhh. Umuuwós a AAKOÓ MUNGÚ, baraa/é' dír geeraawós wa ale!

WARA'AMI 75:9

Ala aníng tlehhmi'iiwók i alki/iít daqisleém, Munguú Yakobo un xirfuú i daá'.

WARA'AMI 95:3

Asma AAKOÓ MUNGÚ inós a Munguú ak úr, nee waawutmoó úr dír mungui sleémeero.

WARA'AMI 96:2

AAKOÓ MUNGÚ i daa'aak, umuuwós diidi'iimisaak, ba/amaarós alki/iitaak umuú deelooro.

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

ISAYA 38:20

«AAKOÓ MUNGÚ aníng i ba/amis atén tari daa'aán ar seése, baraá doó AAKOÓ MUNGÚ wá alé slafingwrén sleémeero.»

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

MALAKI 1:14

«Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Geehhoeemaá 19:16

Nee inós baraá inqwaarirose nee gawaá kutl/umoowose kwaa umií gooín tawa kaahi, «Waawutmoó waawitá nee Aakoó bariise.»