WARA'AMI 140:5 - Biblía Axweesantá Hhohho' ar Mungú 2004

⁵ Múk tlákw ina tsaaxweelírí qaasiyé' ngiri lu/iyé', nee him'e ngaa qaasiyé' adór baratsufaay wa aleeró, tsaaxweeli ngaa qaasiyé' ngiri lu/iyé' afaá loohi, as tiwa oohár wa slai.

Ya/abtór hho' 1977

⁵ Múk tlákw ina tsaaxweelírí qaasiyé' ngiri lu/iyé', nee him'e ngaa qaasiyé' adór baratsufaay wa aleeró, tsaaxweeli ngaa qaasiyé' ngiri lu/iyé' afaá loohi, as tiwa oohár wa slai.

WARA'AMI 140:5 Iomraidhean Croise

YOBU 18:9

Tsaaxweeli gun koolo ót, /akwseeyi guri nagwáhh.

WARA'AMI 119:110

Múk tlákw iga tsaaxweelír i qaás, ala hara'ayarók a gunqareesaaká.

WARA'AMI 119:69

Daara/uuse i lámtí tláq, ala aníng hara'ayarók aga óh.

WARA'AMI 119:85

Múk daara/aám baa'ár ir oohiya' nga fooliyé', inooín a múk dabeerók ga gaárí xuaaká.

WARA'AMI 142:3

Qoomár diqyaá ya'aaeé' birna tsatiitiyé', adór án ni laaq inós ga xuu'. Baraá loohidaádá' án niwa hi'iimiita, tlakuuse án iga tsaaxweelír i qás gari lú/.

WARA'AMI 31:4

Án duuxáng baraá baraatsufaywí tira naaqo oohi. Asma kuúng a dír guway'eé' ar amohhoo'.

WARA'AMI 35:7

Asma ina tawo tsaaxweelírí qaasiyé', iri bohóngw i fooliyé'.

WARA'AMI 36:11

Múk daara/aám ma ya/aamaar iwa yaamaá hara'adaahi, laqaá tlakuuse ma ya/aamaar iwa guusiya'.

WARA'AMI 43:1

Mungú, án aleekalaa/áng, án aleeawáng dír múk gurtleemuú koomaakahe, wangexwaaráng dír múk al/aymuuse nee oo tlakwe, kudá' gan'amuú koomaaká.

WARA'AMI 57:6

Tsaaxweeli kana qaás as tiwa ya'a' oohi. án nay ló'wa gurhaamuút, bohoongw ngwa dír geeraaeé' fooliyé', ala inooíná kilá' nay baraadí /eetiyé'.

AXWEESANOÓ SAGALOOA 24:15

Múk hhó' mu giirór awaar adór múk tlákw i /imaamisi, do'ós mu hhitiimaar sleeme.

AXWEESANOÓ SAGALOOA 29:5

Heé ti sla'atamís dír inslaawmoowós i ale A hima gun baraá istós i qamín.

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 18:20

Xáy, hhooeema kin búi ar tlakweema? Ala iga bohóngwí fooliyé'. Inslaweek adoodá' aníng kuúng uwa firiím, as kiwa gár hhoó' i tlehh, mikiwa sláy nee buhhtaawók.

YEREMIA 18:22

Masók /aa/e ki axaas baraá maray'ine, qoomár daqtá malguuse bara dir'íní gaanslár húp. Asma inooín bohoongw ngwa fooliyé' as aníng iwa oohiya'. Tsaaxwel ngwa qaasiyé' as ya'aaeé' kiwa ohin.