WARA'AMI 14:3 - Biblía Axweesantá Hhohho' ar Mungú 2004

³ Muu sleémeero aa paásl baraá loohír Munguhe. Sleémeero naa hhitiruutiyé'. Heé hota ganaá' i kaahh tumu wák.

Ya/abtór hho' 1977

³ Muu sleémeero aa paásl baraá loohír Munguhe. Sleémeero naa hhitiruutiyé'. Heé hotaa ganaaá' i kaahh tumu wák.

WARA'AMI 14:3 Iomraidhean Croise

IIMU/UUNGW 6:12

Mungú yaamu giri ár, naxés, naa hhitiruutiyé', asma umuúqo heewo aa hhitiruút baraá yaamuwo.

YOBU 14:4

Heé gár hhoohhoo' ngi baraá gár slasla/aár wa duúx a heemá? I kaahh tumu wák.

YOBU 15:16

Hee nee slasla/aruuwose nee hhituru'uumarose mi máy. Heé qo tlakweema dirose adór ma'aá wahaangw.

WARA'AMI 119:176

A tonganuús adór bee/ír aa qwat, leeleehháng anuú sagadiyusmoowók, asma hara'ayarók aga gunqaareesiiká.

WARA'AMI 14:1

Daktana i baraá muner'ín i kat, «Mungú i kaahh.» Inooín sleémeero taa hhitiruumiít. Heé hhooeemaá tlehhiít i kaahh.

WARA'AMI 143:2

Án a lawaalmoowók, mi baraá kwasleemár i huwaar. Asma baraá múk slafa heé ganaá' i kaahh diroge.

WARA'AMI 38:5

Inkaahhi'iieé' naa tli/iyé' niri tsutsuiyé' niri malalahhiyé' asma kuúng ugwa aáhh.

WARA'AMI 58:3

Kudá' gan'amuú kooma'aaká naa qaroó paraanga/iyé' iimír baraá guruuwo. Tam iimír kiwa laqwaali a lamuuse.

TI'INAANGW 12:30

Farao nee geeraharuuse nee múk Misri sleémeero niri /akumiitiyé' xweeraá ale, tsuunqusmoó yaariír iri deeruút baraá Misri sleémeero, asma doó tuua iwa kahh i kaahh.

TI'INAANGW 8:31

AAKOÓ MUNGÚ adoodá' Mose aa firín gari tleéhh, ba'ár guri hingeés dír Faraowo nee dír geeraharuuseero nee dír mukose, tam ba'aarmoó aa meet i kaahh.

DAHARUSMO 7:20

Heé gan'amuú koóm tumu wák i kaahh baraá yaamuwo, oo hhooeema gi tlehhaahhiít tam tlakweema gari tleehhiiká.

DAHARUSMO 7:29

Qaytsiít, tí kilós aga tsaáhh, Mungú muu nguwa tleéhh ku hhó', ala inooín tiri kilooín slasla/areesiyé'.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

YEREMIA 2:13

Muk'eé' tlakweemaá tsár gaa tleéhh. Aníduú kutltá ma'aá slafiingw iga geexayé', hhaleeri'ín ngiri kilooín fooliyé', kudá' ma'aay iwa /oomaa/ona'.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

Rumi 3:23

Asma muu sleémeero tlakweema gaa tleéhh, nee xirfuú ta kon i kaahh dír geeraá Munguhe.

1 Korinto 6:5

Gaarí a gár murér koom dirhunge. Heé sagalooár koóm baraá tla/angwhunge iqo káhhi, oo kwasleemár Krishaanmo nee kuqá' tsatto ga aleesláw?

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Efeso 2:3

Tam atén sleémeero aáng aqo an adoodá'. Ana hootaán ar ilatleerír slaqoorén kawa eeharaharaan, nee sla'aarirós kawa tleehhaan. Gawaá adoorihe atén qoomaadae gár tiwa hariím, a sakwasleemár Mungú an slawaán, adoodár múk hatlá' sleeme.

DABE 1:35

‹Hee tumu wák baraá qartahunge oo hardáh baraá yaamuudá' naa al'axweés dír baabi'iihúng i kaahh.