WARA'AMI 138:7 - Biblía Axweesantá Hhohho' ar Mungú 2004

⁷ Aníng bar baraá slahh'amaayér i dirií', aníng kuúng i de'eén. Dakók un gan'ás gawaá kudaá wakuuser'eé'. Nee dakók oo /iyáy aníng i ba/amis.

Ya/abtór hho' 1977

⁷ Aníng bar baraá slahh'amaayér i dirií', aníng kuúng i de'eén. Dakók un gan'ás gawaá kudaá wakuuser'eé'. Nee dakók oo /iiyáy aníng i ba/amis.

WARA'AMI 138:7 Iomraidhean Croise

YOBU 13:15

Mungú bar aníng i gaasár wa slaa' i gaasi, Aníng harahhifo a koomaaká, tam adoorihe aníng ti aleekalaá/ dír geeraawose.

WARA'AMI 17:7

Sla'aarirók ar warqawaaká laqaamang ar tlehhma'aá waa/oo/amo. Kudá' naa amoorók i guwiye' ba/amiseek dír wakuuser'ine.

WARA'AMI 18:17

Ina ba/amís dír wakuuser'eé' tidá' /uuruú kooma. Ina ba/amís dír kudá' aníng iga aahhi'i, asma inooín iga harslaaqaát arba/ato.

WARA'AMI 18:18

Ina /amaatseegiyé' bál slahh'amueene, ala aníng AAKOÓ MUNGÚ ina baáq.

WARA'AMI 18:35

AAKOÓ MUNGÚ, án kuúng ina báq nee iri ba/amís, amohhe'eemisuuwók aníng ina ureés, nee ina gawdés ar /uuruuwók.

WARA'AMI 20:6

Án daxta a xuú', AAKOÓ MUNGÚ waawutmoowós kudá' aa tsawaár gu arba/atír i haniis, ngun mu/aywaats gawaá dooriwós kudá' hhoohhoó' wa ale, gu arba/atírí haniis ar /uuruuwós kudá' úr.

WARA'AMI 44:3

Mukók yaamu gaa hayohiiká ar xooslaá slaqwara, tam baali nga slay'iiká ar /uuruuín, ala nina baaliné' ar /uuruuwók, nee as kuúng tawa dinkwa nee inooín nee kiwa sla'.

WARA'AMI 56:9

Daqaní wakuuser'eé' i alií kí/, bál án kuúng bura ateét. Tí a xuú', adór AAKOÓ MUNGÚ i bartaeé' i dirii'i,

WARA'AMI 60:5

Atén ti mu/aywats nee ti baalírí sleer ar /uuruuwók, as kahhó' mukdá' kuúng ta sla' kuwa ba/amis.

WARA'AMI 77:10

Nari oó', «Gár aníng i daawitamiis a tí, Munguú úr /uuruuwós gwa hingeés direne.»

WARA'AMI 85:6

Xáy, kuúng slafíngw /abén ngu hanisakáhe malé ale, as mukók nguwa sa qwalaala/i!

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 57:16

Aníng a kumitaaká muk'eé' lu'umisuuwo sleeme nu i buhhaaká daqisleém, asma geeraawo qeereemaaká' naa tleéhh, kuká' naa slafíngwí haniís i dír geeraaeéní nusqumiitiyá'.

ISAYA 9:12

Bihhaá da/aawe a múk Aramu, bihhaá /uwaawo a múk Filisti, afer'ín sleémeero ngaa awaatliyé' as Israeli ngiwa gu/iya'. Tam adoorihe muneerós aa baráy ki/ká, tam hamí dakós i loloqoosárí kaahh.

ISAYA 9:17

Gawaá adoorihe, Aako masoombar'ín ga gurtlayká, sleeme i gurtleemuú konká dír panaay nee kwaeeliiwo. Asma heé Munguú ilaiwawaá/ i kaahh, umuú heewo a lamusmo. Tam adoorihe muneerós gaa gu/iiká, tam hamí dakós i loloqoosárí kaahh.

ISAYA 9:21

Manase i Efraimu i slaaqw, Efraimu i Manase i slaaqw. Inooín tsaraawo ta Yuda i slaaqw. Tam adoorihe AAKOÓ MUNGÚ muneerós gaa gu/iiká. Tam hamí dakós i loloqoosárí kaahh.

YEREMIA 51:25

Ga/aaweek, kiíng tloomár hhaamimiis, aníng nee kiíng ti araán. Kiíngasíng yaamu sleémeero gi hhitaatiim, aníng dakw'eé' u gawaawók i tleés, iri gawaá tla/uú wa daáhh, iri adór tloomár taa daá/ tleéhh.

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.