WARA'AMI 138:2 - Biblía Axweesantá Hhohho' ar Mungú 2004

² Aníng kuúng u i tumbarara'aát tiwa qoomees ar afiqoomár Do'ók, kudá' hhoohhoó', án kuúng u sluufmiís as sla'aarirók ar warqawaaká nee inkihhimuuwoge, asma kuúng umuuwók nee axweesantók iga gár afhhamít tléhh ta mura' sleémeero.

Ya/abtór hho' 1977

² Aníng kuúng u i tumbarara'aát tiwa qoomees ar afiqoomár Do'ók, kudá' hhoohhoó', án kuúng u sluufimiís as sla'aarirók ar warqawaaká nee inkihhimuuwoge, asma kuúng umuuwók nee axweesantók, iga gár afhhamít tléhh ta mura' sleémeero.

WARA'AMI 138:2 Iomraidhean Croise

1 WAAWITÁ 8:15

Iri oó', «AAKOÓ MUNGÚ, Munguú Israeli i xirfuuti, asma ar dakose al'axweesantadá' afkósuú kilae aa oó' dír baabuúeé' Daudi gaa boo/eés, iwa oó',

1 WAAWITÁ 8:20

«Hám daxta AAKOÓ MUNGÚ al'axweesantós gaa boo/eés, asma aníng taa waawutmoó wa qaás kitángw baabuúeé' Daudiwo, nee kitangwduú waawuti'iima oo Israeli ugwa i iwiít adór AAKOÓ MUNGÚ, Munguú Israeli ngira oó', slám doó kuwa sluufmiisi ugwa tleehh.

1 WAAWITÁ 8:24

Al'axweesantá taa ó' dír baabuúeé' Daudi aga boo/eés, tidá' taa ó' sleémeero laarí aga boo/és ar aleesleemuuwók oo kilá'.

WARA'AMI 115:1

A ateneeká, AAKOÓ MUNGÚ, a ateneeká, ala kuúng kilók na xirfuút, as sla'aarirók ar warqawaaká nee inkihhimuwók.

WARA'AMI 28:2

/Aa/ee'eé' iiárií qaaseek qoomár bar alee/isoó fiririím, dabaaeé' bira gáwtí tleés amór Do'ók kudá' hhoohhoó'.

WARA'AMI 5:7

Ala as yaareemaá sla'aarirók ar warqawaaká, aníng an dáh baraá Do'ók oo hhoohhoó'. Ar ilaiwa/ameero un i tumbarara'aát, uri sluufiís baraadá' wa ale.

WARA'AMI 5:8

AAKOÓ MUNGÚ, án geeraharáng ar gan'amuwók, asma wakuuser'eé' ka yaariir. Loohirók gan'aasang dír geeraeene.

WARA'AMI 56:10

Ar alee/isoó Munguhe axweesantós an xirfayeés. Ar alee/isoó AAKOÓ MUNGÚ axweesantós an xirfayeés.

WARA'AMI 56:4

Ar alee/isoó Munguhe axweesantós an xirfayeés. Mungú ugwa harahhiíf, a da'ayuutaaká, hee gár i /iisi a milá?

WARA'AMI 85:10

Sla'aarír warqawaaká nee inkihhimu ti doogiyá'. Gan'amu nee wayda ti ma'amisiyá'.

WARA'AMI 86:15

Ala Aáko, kuúng an Munguú gurtleemu nee oo qeemu, tu inslaahheeká buhhtaawo, a háts sla'aarír warqawaakahe nee inkihhimuwo.

WARA'AMI 99:5

AAKOÓ MUNGÚ, Munguúrén, xirfayeemisaak, dír geeraawós i tumbarara'ataak! Inós an kudá' hhoohhoó'.

WARA'AMI 99:9

AAKOÓ MUNGÚ, Munguúrén, xirfayeemisaak. Tumbarara'aaté' gawaá tloomarós tidá' hhoohhoo' wa ale, asma inós an AAKOÓ Munguúdá' Hhoohhoó'.

ISAYA 42:21

AAKOÓ MUNGÚ ina qwalaá/ as daanduú gana'aamuuwós, dabeerós gana iiatleereés nee gana xirfayeés.

ISAYA 63:7

Sla'aarír warqawaaká ar AAKOÓ MUNGÚ an alki/iít, xirfuú AAKOÓ MUNGÚ un oiím, ar har qoomoó muruudá' AAKOÓ MUNGÚ naa atén i tlehhiít, nee hhooeemadá' yaariir aa tlehhaahhiít dír múk Israeli, kudá' a tleehhaahhiít ar harqoomoó gurtleemuuwós, ar harqoomoó yaareemaá sla'aarírós ar warqawaaká.

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

Matayo 5:18

Án a kah, looeemaawo, ay dír doori nee yaamu i waarahhiya', ala gooír niina adór afkú laqwa laqaá tam ar ló'wa niina ta afkú laqwto ar baraá hara'ayaárií dirii' i baloó waarahhká ay dír sleémeero kay boo/eesi.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Yohana 10:35

Atén a xuaán adór Gooi ir warqeeraaká baloó alé. Gawaá adoorihe, Mungú mukdá' aa axweesantós i haniís guna báy, ‹Kuungá' a mungui.›