WARA'AMI 137:1 - Biblía Axweesantá Hhohho' ar Mungú 2004

¹ Ana iwiitaán afaá ya'aá Babuloni, Siyoni kawa iinslawaán ana /aa/amiimaán.

Ya/abtór hho' 1977

¹ Ana iwiitaán afaá ya'aá Babuloni, Sayuni kawa iinslawaán ana /aa/amiimaán.

WARA'AMI 137:1 Iomraidhean Croise

ESRA 8:21

Aluuwo aníng gwaawito ngiri iigu'uús afaá yaaér Ahafa wa ale, as tiwa ninaweesaan dír geeraá Munguúrén, nee loohiidá' aa gana' kawa dirós wa slawaan, as atén kiloorén, nee as na/iirén, nee as daqaari'iimarén sleémeero.

ESRA 8:31

Aai kiri iimu/uumaán dír yaaér Ahafá wa ale, bál slahhángw geera tawa mibaá nee tsár, as tawa Yerusalemúr kawaan, dákw Munguúrén i dinkwa nee atén, inós tina tuú/ dír wakuuseero nee dír heé atén ti haramamahhamiita baraá loohiiro.

NEHEMIA 2:3

Waawutmo nguri báw, «Waawutámo, sagók fur'a ngu laaleer, aníng mahár gurhamutaaká, bar gixsár /aantaá baabi'iieé' i dirii'iya' in iwiiwít ar deewa'ame, nee afeerós kaa hhaamiís ar asla?»

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

ISAYA 66:10

Qwalala/é' dinkwa nee Yerusalemu, baraa/é' as inós kuungá' sleémeero awa inós ngi sla'á'. Qwalala/é' dinkwa nee inós kuungádá' aáng aga tsuunqumise' as inós.

YEREMIA 13:4

«Inqwaaridár siinootaay taa tláxw, tisíng hám baraá afeetloowók i dirii', taataahheek, tláw ay yaaér Eufrate, ka lú/ baraá pa/amír tlaa/a.»

YEREMIA 15:17

Aga iwiitiiká dír dinku'uumár múk aa yaanda hhe'ees laqaá aga alqwalala/aniiká, aníng ana kilooeé' iwiít as /uuruuwók iwa gawaaeé'. Asma iga hatsís buhhtaawoge.

YEREMIA 51:13

Kuungaásíngá' afaá ma'áy wa hootá', daqaarér muruú yaariír, alhhe'eesayhúng naa hardáh, taamír slafingwhúng ka tsaat.

YEREMIA 8:19

/Aa/aá muk'eé' iiárií qaasaak badu sleémeero awa yaamu, ta kaahi, «Xáy, AAKOÓ MUNGÚ i káhhi Siyoniro? Xáy, waawutmoowós i barawoseekáhe?» «Ahaá baré aníng iga buhhtisiyé' ar slaqsi'ii'ín kudaá adór Mungú, slaqsii'ín kudaá munguaá xuaawaslen.»

WA/AA/I 1:16

«Aníng hamí an /aa/amiím as kaangwí. Hhirhheeri baraá ilaeene in tawo wa/aminá', as heé aníng i gurkwa/ás kuwa saáw dir'eene, kudá' aníng i muunií qaás i kaahh. Na/iieé' kina kilooín geexáy asma wakusmo aa baalín.

WA/AA/I 2:18

Kuungaá múk Siyoni, amór AAKOÓ MUNGÚ i /aa/aak! Hhirhheerihúng ni wa/amine' adór duxa tlatla/aangw nee xweeraawo! Kuungá' ma huungu/uusara', ilaahúng mindiwa huungu/uusiyé'!

WA/AA/I 3:48

Hhirhheeri baraá ilaaeene nin wa/aminá' adór duxa, asma muk'eé' kuwa qwaareés.

WA/AA/I 3:51

Gurhaamír yaariir iga eér, kangwqá' ín aayo baraá gixsarihe kaa /imiís bura ár.

ESEKIELI 1:1

Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

ESEKIELI 1:3

anuú kaahamusmo, Esekieli garmoó Busi, qoomár niwa baraá yaamaá Kaldayórí, dirii' bihhaá yaaér Kebari, axweesantá AAKOÓ MUNGÚ ana axaás, nee baraadaádae /uuruú AAKOÓ MUNGÚ i gawaaeé'.

ESEKIELI 3:15

Mukduú baraá loohaay nguri i hardáh, kudá' bihhaá Kebarírí dirií', tidár baraá Tel-abibu. Niri didá' wa hoót nee inooín deelo faanqw, amorqae gár ni xuu' i káhh.

DANIELI 9:3

Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

Luka 19:41

Yesu qoomár iwa tseewúy, gixsadá' gana ár, iri /aá/ as gixsadá',

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»