WARA'AMI 136:26 - Biblía Axweesantá Hhohho' ar Mungú 2004

²⁶ Munguú doori sluufmisaak, Asma sla'aarirós i warqeeraaká ay alhhe'eesay wasle!

Ya/abtór hho' 1977

²⁶ Mungú doori sluufimisaak, Asma sla'aarirós i warqeeraaká ay alhhe'eesay wasle!

WARA'AMI 136:26 Iomraidhean Croise

NEHEMIA 1:4

Qoomár /aymi'iiká' ngiwa axaás ana yaamií iwiít nay /a/amiím, nari tsuunqumiís deelór hhaawakahe. Nee nari gwaawiím, nee niri fiririím dír geeraá Munguú doorí wa ale.

NEHEMIA 2:4

Aluuwo waawutmo Artashasta iri báy, «Gár kuúng ta aníng i firór wa sla' a milá?» Aníng Munguú doori nguri firiím.

WARA'AMI 115:3

Munguúrén i gawaá doori, umuúqo gár i slai gan tleehh.

WARA'AMI 123:1

Án kuúng ugwa i qaytsiít, kuúngudá' aga iwit gawaá doorií ale.

DANIELI 2:18

Giri i axweés gurtleemuú Munguú doori nguwa firina' daanduú naaqoorihe, as kahhó' Danieli nee hhaeewós mikiwa tsuú/ as kaangwí dinkwa nee múk sageeloén oo Babuloni.

YONA 1:9

Yona giri báy, «Aníng a heé xoorór Ebrania. Aníng AAKOÓ MUNGÚ ugwa haratlintií'. Munguúduú gawaá doori, kudá' tlawi nee yaamaá kaahaar gaa tleehh.»

Geehhoeemaá 11:13

Qoomaadár kilae kunseeli niri hardát, bartá wák ar gixsa iri hú', baraá baduudá' mibaango awa gixsa. Múk kumér faanqw kuri tsuú/ nee kunseelidá'. Nee múk aa meet iri ló'wa da'ayuút, Munguú doori kuri xirfayeemiís.