WARA'AMI 135:7 - Biblía Axweesantá Hhohho' ar Mungú 2004

⁷ Inós an kudá' huunkáy gu tlehhiít baraá yaamuú wa ale. Tluwoó mankarór koóm guri tleéhh, fur'a sleeme ngi huuw iimír didá' aa amohhe'eés wa ale.

Ya/abtór hho' 1977

⁷ Inós an kudá' hunkáy gu tlehhiít baraá yaamuú wa ale. Tluwoó mankarór koóm guri tleéhh, fur'a sleeme ngi huuw iimír didá' aa amohhe'eés wa ale.

WARA'AMI 135:7 Iomraidhean Croise

1 WAAWITÁ 18:1

Alaá deelór yaariir iwa waaráhh ar har afiqoomár kureeraá tám awa giyeé, Eliya axweesantá AAKOÓ MUNGÚ gana axaás iwa kat, «Tláw ti geehhooes dír waawutmo Ahabu, daqaní aníng tluwaay ngu haniís baraá yaamu.»

YOBU 5:10

Inós an kudá' tluwoó huwahuúw baraá yaamu. Nee an kudá' qamu gi ma'áy wa/amiís.

WARA'AMI 107:25

Ina ilawaáts, bambaao niri hardát, gwaanduú ma'aay iri sihhiít.

WARA'AMI 148:8

AAKOÓ MUNGÚ xirfayeesaak, kuungá' asla nee tluwoó tlaa/e, theluji nee tlaangú, fur'ár bambaao ar fukukuu', tidaádá' hara'ayaarós gaa boo/es.

WARA'AMI 78:26

Fur'ár da/aá daahh gana gawaá doorií gan'aás, nee fur'ár basa gari geerahaár ar aleesleemuuwós.

YEREMIA 10:13

Qoomár inós birna ilawaáts ma'aá gawaá doori in xuuru'utiyá'. Inós tlaangú gun duxún baraá ku/iyá yaamú wa alé. Inós mankari gan war'eemiis qoomár tluwaywo. Nee fur'a ni ti'imít baraá kuuntaywós wa aleeró.

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

YEREMIA 51:16

Qoomár bira ilawaáts ma'aay dooriwo nin xuuruiyá'. Tlaangú iri tleehharuut bihhér yaamu sleémeerowo. Maankari iri wer'eeliín qoomár tluuwaywo. Fur'a ngin baraá kuuntaywós wa duxún.

YONA 1:4

Ala AAKOÓ MUNGÚ fur'ár ur gari ya/aáw baraá tláwtí ale, bambaaór ur iri hardát baraá tláwtí ale, miringamo guri lak geeqeér.

SEKARIA 10:1

AAKOÓ MUNGÚ firimaak tluwoó buhareewo, AAKOÓ MUNGÚ an kudá' tluwoó kwarara/a ngu haahuúw, inós an kudá' baafoó tluwaay gu múk i hanmaamiís nee balángw baraá qamu gu hamareés as muu sleémeero.

Yohana 3:8

Fur'a i fukuukú' amoodií keer. Afoorós an axamís, ala a xu'uká amór i dahh, laqaá amór i keer. Heé taa laqwaál ar Qeeru, kangós an adoorí.»