WARA'AMI 135:13 - Biblía Axweesantá Hhohho' ar Mungú 2004

¹³ AAKOÓ MUNGÚ, umuuwók i alhhe'eesoó konká. AAKOÓ MUNGÚ, kuúng tu alki/aa/iit nee qari sleémeero.

Ya/abtór hho' 1977

¹³ AAKOÓ MUNGÚ, umuuwók i alhhe'eesoó konká. AAKOÓ MUNGÚ, kuúng tu alki/aa/iit nee qari sleémeero.

WARA'AMI 135:13 Iomraidhean Croise

WARA'AMI 102:12

Ala kuúng AAKOÓ MUNGÚ, kuúng an waawutmo kureeri sleémeero. Umuuwók kun inslasláy umuúqo qarto.

WARA'AMI 102:13

Kuúng an sihhít gixsár Siyoni kay gurtleér. Asma qoomár gurtleemuwós aa xeér. Eeít, qoomaadá' taa ó' an tí.

WARA'AMI 102:21

Umuú AAKOÓ MUNGÚ ku alki/iiti baraá Siyoniro. Xirfuuwós ku alki/iiti Yerusalemuwo,

WARA'AMI 72:17

Yaeemír waawutmo i kumaamit, waawutmo ku diidi'iimaamisi qooma sleémeero ar tsee/amá iwa gwa/aati, xoordu sleémeero tsuuqa ngi slaye' ar inós, nee inós ku bay, «Kudá' taa tsuúq.»

WARA'AMI 8:1

AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero, kuúng xirfuuwók i haats dooriwo.

WARA'AMI 8:9

AAKOÓ MUNGÚ, Aakoorén, ga/aaweek, adór xirfuuwók kur úr baraá yaamu sleémeero.

WARA'AMI 89:1

AAKOÓ MUNGÚ, sla'aarirók ar warqawaaká a daá' ay alhhe'eesay wasle, aníng inkihhimuuwók u alki/iít dír qari sleémeero.

TI'INAANGW 3:15

Mungú Mose guri malé báy, «Múk Israeli gár ku beer a tí: AAKOÓ MUNGÚ, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng iga amorhúng i ya/aáw. Umuuwós an kwí ay alhhe'eesay wasle, nee adoorí an adór tir inslaslay baraá qari sleémeero.

HOSEA 12:5

Eeít, AAKOÓ MUNGÚ, MUNGÚ Aleesleemusmo, AAKOÓ MUNGÚ an umuuwós.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,