WARA'AMI 134:1 - Biblía Axweesantá Hhohho' ar Mungú 2004

¹ Qwalaasé', kuungásingá' sagadiyuusér AAKOÓ MUNGÚ, AAKOÓ MUNGÚ xirfayeemisaak kuungá' sleémeero awa gadiyuusá' xweeraawo baraá Doó AAKOÓ MUNGÚ wa ale.

Ya/abtór hho' 1977

¹ Qwalaasé', kuungásingá' sagadiyuusér AAKOÓ MUNGÚ, AAKOÓ MUNGÚ xirfayeemisaak kuungá' sleémeero awa gadiyuusá' xweerawo baraá Doó AAKOÓ MUNGÚ wa ale.

WARA'AMI 134:1 Iomraidhean Croise

1 QOM'I 9:23

Naagáy inooín nee xwaylar'ine tana kumiít gadiyér xuumár afér doó AAKOÓ MUNGUHE.

1 QOM'I 9:27

Inooín dír iwa hootiya' an iisaapoó doó Mungú, asma do' nguwa xuna', nee umuú matlaatleero afkú do' nguwa gweeriya'.

1 QOM'I 9:33

Slamí kudá' uren baraá tlahhoó Laáwiwo a daauuse, nina hootiyé' baraá kutuwoó doó Mungú wa ale, inooín gadiyér hatlá' ngi kon'aaká, ala inooín tin baalaqaminá' tlatla/aangw nee xweeraawo.

2 QOM'I 29:11

Daaqay'eé', kuungá' ilaiwa/ame koomaak. Asma AAKOÓ MUNGÚ kuungá' naa tsawaár gadiyeérí kawa tlehha', kuungá' tawa sagadiyuuseerós, nee inós kuwa mooyángw tsuú' i da/a/aanda'.»

2 QOM'I 35:5

Sihhiité' sleeme didá' hhoohhoo' as daanduú hhaeehúng kudá' gadiyér kaahamusi'iimár tleehha'aaká, nee umuúqo heewo i sihhiiti as daanduú umuú do'o oo tlahhoó Laáwi.

NEHEMIA 12:9

Bakbukia nee Uno, nee mulqer'ín, nina sihhiitiyé' baraá saaliingo.

WARA'AMI 103:21

Kuungá' sleémeero awa /uuruú koomá' gawaá dooriwo, AAKOÓ MUNGÚ diidi'iimisaak, kuungaásingaá sagadiyuuseerós awa sla'aarirós tlehhiitá'.

WARA'AMI 113:1

AAKOÓ MUNGÚ xirfayeemisaak! Kuungaásingaá sagadiyuusér AAKOÓ MUNGÚ, AAKO xirfayeemisaak, umuú AAKOÓ MUNGÚ xirfayeemisaak!

WARA'AMI 120:1

Qoomár slahh'amu nguwa sláw, AAKOÓ MUNGÚ una ateét, inós iri mu/aywaáts.

WARA'AMI 121:1

Ana qaytsiít gawaá sagér tlom'ií ale, Alee/isay'eé' amór i dahhi a amá?

WARA'AMI 122:1

Ana qwalaá/ tiwa báy, «Góh amór DOÓ AAKOÓ MUNGÚ.»

WARA'AMI 123:1

Án kuúng ugwa i qaytsiít, kuúngudá' aga iwit gawaá doorií ale.

WARA'AMI 124:1

Bar AAKOÓ MUNGÚ i bartaréní dirii'iiká, múk Israeli ni ilawatsi.

WARA'AMI 125:1

Mukdaádá' AAKOÓ MUNGÚ gwaa harahhiif a adór tloomár Siyoni, tidá' baloó dingitaaká, i hotaatiín daqisleém.

WARA'AMI 126:1

AAKOÓ MUNGÚ tiwa malé ki/ís Siyoni, a adór tlata direne.

WARA'AMI 127:1

AAKOÓ MUNGÚ barnaxes do' ngwa tleehhiiká, mukdá' doó tleéhh, a gadiyér tawo gan tleehh. AAKOÓ MUNGÚ bar gixsa ga xunká, heedaádá' ga xuúm, in tawo xún.

WARA'AMI 128:1

Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

WARA'AMI 129:1

Hám daxta Israeli i ooi, «Aníng taa ló'wa baramaanuús iimír masoombi'iimar'eene.

WARA'AMI 130:1

AAKOÓ MUNGÚ, aníng kuúng u i /aa/amiím, baraá slahh'amueé' kwí oo istá gwa'araro.

WARA'AMI 130:6

Aníng AAKOÓ MUNGÚ u ló'wa daamaraám, ta ak xuumuusér xweera matlaatle ngir daamaraanda, ta ak xuumuuse looatleemu ngur daamaraanda.

WARA'AMI 131:1

AAKOÓ MUNGÚ, muunaáeé' i dara/anká, nee ilaaeé' sleeme i gáwtá ga/aya'aaká. Tam muruú dirén u leelehhiitaaká. Tam muruú /uuruueé' gu arba/abaá/ u leelehhiitaaká.

WARA'AMI 132:1

AAKOÓ MUNGÚ, Daudi inslaweek, baraá slahh'amaayeerós tidá' aa saqiqtlini.

WARA'AMI 133:1

Ga/aaweek, adór kar hhoó' nee ir sla'atimís hhae iwa dinkwár waá hootiya' ar wakleeli'iima.

WARA'AMI 84:5

Múk amohhoó' a kudá' /uuruín amoorók daáhh, kudá' Siyonír sla'á' kakaango.

TLAHHOÓ LAÁWI 8:35

Kuungá' an metá' dír afkú heémár Mungú deelo faanqw xweera nee tlaatla/aango, as tidá' AAKOÓ MUNGÚ naa hara'ayín kawa tlehhita', bara tsee/áy ti'ité' a qatlá'. Adoorí an adór aníng tira hara'ayín.»

Luka 2:37

Daxta inós a kwaalo'ór kureeri mibeeri dakaát nee tsiyáhh. Baraá Doó Munguhe i ququtlaatliindaaká, aqo in sluufmaamís xweera nee tlaatla/aango, iwa gwaawiwiin nee iwa fiririin.

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

Geehhoeemaá 19:5

Afór baraá kitángw aleesleemuú daahh iri ó', «Munguúrén na diidi'iimisaak, kuungaásingá' sleémeero awa sagadiyuuseerós, kuungaásingá' Munguú ilaiwawa/á/, múk ninákw nee múk urene.»

Geehhoeemaá 7:15

Gawaá adoorihe inooín i geeraá kitángw aleesleemuú i dirii'iyá' oo Mungú. Nee inooín i Munguú sagadiyuusiyá' baraá do'ós wa aleeró tlaatla/aangw nee xweeraawo. Nee kudaádá' aa iwiit gawaá kitangwduú aleesleemu, heémarós ga hhaaf gawaaín wa aleeró.