WARA'AMI 132:12 - Biblía Axweesantá Hhohho' ar Mungú 2004

¹² Daaqaywók barnaxés alqador'eé' nee axweesante'eé', tidá' naa intsaahhatís ngaa iialooeesiyé', daqaní daaqay'ín sleeme i iwiit gawaá kitaangók oo waawuti'iima ay alhhe'eesay wasle.»

Ya/abtór hho' 1977

¹² Daaqaywók barnaxés alqador'eé' nee axweesantaeé', tidá' naa intsahhatís ngaa iialooeesiyé', daqaní daaqay'ín sleeme i iwiit, gawaá kitaangók oo waawuti'iima ay alhhe'eesay wasle.”

WARA'AMI 132:12 Iomraidhean Croise

1 WAAWITÁ 2:4

as AAKOÓ MUNGÚ al'axweesantós ngiwa boo/eesi, /aymuuwós kudá' naa oó' daanduueene tidá' iwa oó', ‹Barnaxes daaqaywók birta harmaagaáhh baraá hotaaine, tawa dir'eé' wa hooti ar inkihhimu, ar muner'ín sleémeero nee qeeruuín sleémeero, daqaní kuúng hee u baloó dakuská oo iwiít baraá kitángw waawuti'iimár múk Israeli.›

1 WAAWITÁ 8:25

Gawaá adoorihe AAKOÓ MUNGÚ, Munguú Israeli aníng kuúng u malé firiím, al'axweesantadá' taa ó' dír sagadiyusmoowók Daudi, baabuúeé', tawa ó', ‹Deelo sleémeero garmoó iwiít gawaá kitángw waawuti'iima oo Israeli ngu haniís, barnaxes na/iiwók naa hootiyé' dir'eé' wa ale ar adoodá' kuúng tara hót.›

2 QOM'I 7:18

aníng kitaangók kuduú waawuti'iima u gawdeés adoodá' ngira alqadiím dír baabuúwók Daudi niwa kah, ‹Kuúng hee u dakuská oo múk Israeli gu sawaawuti'iím.›

WARA'AMI 102:28

Na/aá mukók kudá' u sagadiyuús amohhooa ngin ar hootiyá'. Na/aá i laqwaaliya' nin saxareemár kumiitiyá' geraawoge.

WARA'AMI 115:14

AAKOÓ MUNGÚ nu na/ií haniisi, kuungá' nee na/iihunge!

ISAYA 59:21

AAKOÓ MUNGÚ i kaahi, «Aníng alqado a tlehhiít nee kuungá'. Qeeruueé' kuduú gawaahúng nee axweesante'eé' tidá' naa qaás gawaá aferhúng, miwa qútl baraá aferhunge, laqaá baraá afér na/iihunge, laqaá baraá afér na/aá na/iihunge, iimír hamí tam ay alhhe'eesay wasle.»

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

YEREMIA 33:17

Asma anuú AAKOÓ MUNGÚ a kah, ‹Heé múk Israeli gu sawaawuti'iím baraá xwaylár Daudiwo i qwaariiká.

Tlehhema'aá ya/Abuuse 2:30

Slám inós a aarusmo, nee lo'oodá' Mungú aa /aáy inós ga xuu', tidá' kah, ‹Baraá xwaylaroge heé wák u waawutmoó wa qaás.›