WARA'AMI 132:11 - Biblía Axweesantá Hhohho' ar Mungú 2004

¹¹ AAKOÓ MUNGÚ Daudi guna al'axweesantá ló' i oó', slám i alií ki/iiká al'axweesantadá' ngiwa warqeesi, iwa kaahi, «Baraá daaqaywoge garmoó wák u iwiitiís gawaá kitaangók oo waawuti'iima.

Ya/abtór hho' 1977

¹¹ AAKOÓ MUNGÚ Daudi guna al'axweesantá ló' i oó', slám i alií ki/iiká al'axweesantadá' ngiwa warqeesi, iwa kaahi, “Baraá daaqaywoge garmoó wák u iwiitiís gawaá kitaangók oo waawuti'iima.

WARA'AMI 132:11 Iomraidhean Croise

2 SAMUELI 7:12

Deeloorók ar tawa kahhut bira xeér tari haragwá' amór baabi'iiwók kudá' naa qatliye'. Daqaní na/aywók oo kilá' un waawutmoó wa qaás, aníng waawuti'iimarós ngari gawdeés.

2 SAMUELI 7:14

Aníng tari baabuúwós, inós tari garmaaeé'. Tlaákw birnga tleéhh, un iigahhaát, adoodár muu i /imamisi na/ii'ín kiwa naanaqaqati ar hhara.

2 SAMUELI 7:16

Do'ók nee waawuti'iimaroge i kumaamitiyá' dír geeraaeé' waá ale daqiisleém. Kitaangók oo waawuti'iima ku gawdees kureerisleém.› »

1 WAAWITÁ 1:48

Iri firín iri oó', ‹AAKOÓ MUNGÚ, Munguú Israeli i xirfuti, kwí laarí garmaaeé' gwaa gawaá kitangw'eé' kuduú waawuti'iimárí iwitiis, nee ilaa'aá kilae tí aga ár.› »

1 WAAWITÁ 8:25

Gawaá adoorihe AAKOÓ MUNGÚ, Munguú Israeli aníng kuúng u malé firiím, al'axweesantadá' taa ó' dír sagadiyusmoowók Daudi, baabuúeé', tawa ó', ‹Deelo sleémeero garmoó iwiít gawaá kitángw waawuti'iima oo Israeli ngu haniís, barnaxes na/iiwók naa hootiyé' dir'eé' wa ale ar adoodá' kuúng tara hót.›

2 QOM'I 6:16

Gawaá adoorihe, AAKOÓ MUNGÚ, Munguú Israeli, gimáy tidár hatlá' taa alqadiín dír baabuúeé' Daudi boo/eeseek, tidá' kuwa beér, ‹Barnaxes na/iiwók daber'eé' ngi oohiyá', nee birti harmagaahhiyá' adór kuúng wa ale, daqaní kuúng qooma sleémeero garma u koón oo iwiít gawaá kitángw aleesleemu oo Israeli.›

2 QOM'I 7:18

aníng kitaangók kuduú waawuti'iima u gawdeés adoodá' ngira alqadiím dír baabuúwók Daudi niwa kah, ‹Kuúng hee u dakuská oo múk Israeli gu sawaawuti'iím.›

WARA'AMI 110:4

AAKOÓ MUNGÚ tí gaa lo'ór wa /aáy nee slamí i warqayká, «Kuúng a kaahamusmoó úr oo Mungú kureerisleém, ar adoodár Melkisedeki.»

WARA'AMI 89:33

Ala aníng Daudi aqo un slaá' ar sla'aarír warqawaaká, slám al'axweesante'eé' a lama tleehhaaká dirose.

WARA'AMI 89:35

«Lo'o aga /aáy wa'aá wake ar hhohhoaarir'eé', eeít, lama a tsataaká dír Daudiwo.

WARA'AMI 89:37

Waawuti'iima i hót adór slahhángw wa ale, adór slahhángw gawaá doori tar lamabu'usmoó inkihhimuú koóm.»

WARA'AMI 89:5

AAKOÓ MUNGÚ, doori i waa/oo/amorók xirfayeesmisiyá', inkihhimuuwók ku xirfayeesi baraá dinku'uumár múk hhohhoe!

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Luka 1:32

Kwí uraay gu sláy, ku bay Garmoó Kuduú Gawa. Nee Aakoó Mungú gu waawuti'iimár Daudi i haniis, gídaabá waawuti'iimár baabuúwós.

Tlehhema'aá ya/Abuuse 2:30

Slám inós a aarusmo, nee lo'oodá' Mungú aa /aáy inós ga xuu', tidá' kah, ‹Baraá xwaylaroge heé wák u waawutmoó wa qaás.›

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.

1 SAMUELI 15:29

Slám Munguúduú xirfuú Israeli, lama ga ooiiká, tam i gwadidinká asma inós a heewooká.»