WARA'AMI 131:2 - Biblía Axweesantá Hhohho' ar Mungú 2004

² Ala aníng aga hungu/uús nee aga xasliít, adór na/oó taa xasltís dír isángw aayoorós. Muunaáeé' a adór na/oó taa xasltís.

Ya/abtór hho' 1977

² Ala aníng aga hungu/uús nee aga xasliít, adór na/oó taa xasltís dír isángw aayoorós. Muunuúeé' a adór na/oó taa xasltís.

WARA'AMI 131:2 Iomraidhean Croise

WARA'AMI 42:11

Aníng gár nis gurhaamuut a milá? Nee mahar amoqwaqwadiím baraaeene? Mungú un harahhiíf. Asma aníng u malé xirfayeés, kuduú alee/isusmooeé' nee Munguúeé'.

WARA'AMI 42:5

Aníng gár nis gurhamuut a milá? Nee mahar amoqwaqwadiím baraaeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 43:5

Aníng gár nis gurhaamuut a milá? Nee mahar amoqwaqwadiím baraeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 62:1

Aníng Mungú un daamaraám ar qitla, ba/amar'eé' amór i dahh a amoorós.

ISAYA 30:15

Asma Aakoó MUNGÚ, Kudá' Hhoohhoó' oo Israeli i kaahi, «Kuungá' an ba/aandá' ar loohír niwa amor'eéní ki/a' nee tawa dir'eéní xaslita'. Kuungá' bara xaslité' nee aníng bira harahhifé', daqaní /uuru u sleerá'.» Ala kuungá' adoorí aga slai'iiká.

WA/AA/I 3:26

A gár hhoo' hee ba/amár AAKOÓ MUNGÚ ngiwa daamaaran ar qitla.

Marko 10:15

Án a kah, heé waawuti'iimár Mungú gaa ya/aniká adór na/oó niinár ale, i dahiiká baraá waawuti'iimarihe.»

Luka 21:19

Kuungá' bara qiqtlatliindé', a ba/aandá'.»

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.

1 SAMUELI 24:10

Qayteek laarí hamí, adór kuúnguú kilá' kara aán ilaawoge, qoomár tawa baraá mar'írií diri', AAKOÓ MUNGÚ una gawaá dabaeénií qaás. Muk'eé' bahh'alé aníng iri báy, ‹Gaaseek,› ala una gurtláw, niri oó' ‹dakw'eé' u looloqoosaaká gawaá aakooeé', asma inós a kudá' taa iimbalaáx nee AAKOÓ MUNGÚ.›

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.