WARA'AMI 129:5 - Biblía Axweesantá Hhohho' ar Mungú 2004

⁵ Mukdaádá' Siyoni gaa aahh, aluú i ki/isek ar mure.

Ya/abtór hho' 1977

⁵ Mukdaádá' Sayuni gaa aahh, aluú i ki/isek ar mure.

WARA'AMI 129:5 Iomraidhean Croise

NEHEMIA 6:16

Ala wakuuserén sleémeero kaangwí nguwa axás, nee sleémeero kudá' taa harweeriye' tari da'ayuút, niri kilooín mune si'iyé'. Asma ngina tsaahhiyé' adór gadiyeérí sleémeero kara tleehhaán ar alee/isoó Munguúrén.

ESTA 6:13

Naagáy Hamani hareerós Sereshi nee mulqeerós gay kangwdá' i alki/iít sleémeero kudá' gwa slay. Mukós kuduú sagalooár koóm nee hareerose nguri bayé', «Ala bar Mordekaisíng uray gwaa sláy, slamí inós a heé Yahudi, kuúng a alesleeraaká nee heesíng tiwa tlaampa'asa', kuúng kangók i kaahh.»

ESTA 9:5

Naagáy múk Yahudi wakuuser'ín kari muúx sleémeero ar paangadu nee kay tsuú/, nee kiri hhaamiís. Múk Yahudi adoodá' i slai gana tleéhh dír mukdá' inooín ngaa aahhiye'.

WARA'AMI 122:6

Yerusalemu aleefiririmaak i waydúr hot. «Mukdá' sleémeero kiíng i slaá' ta hooti ar amohhooa.

WARA'AMI 40:15

Kudá' aníng wa qaseesemá' tawa kaahi, «Ha-ha-ha,» i hasl'amitiye' mureero.

WARA'AMI 71:13

Kudá' aníng tlampa'aamisá' ki mureekeesi, nee ki hhaamisi kudá' aníng i gár tlaakw i sla'á', ki niqin nee ki waaqaai.

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 29:8

Boohhár xoordu sleémeero kudá' amór tloomár Siyoni slaqwá', tari slaqás nee heé qwariít oo tlatitiím kwaáo i /ayín, ala bira daarakiít qwarkós iqo adoodií kaahh, laqaá adór heé waxiít oo tlatitiím kwaáo ma'aay gina wáh, ala bira daarakiít aa slaaqamiít waxeero, waxeerós aa fakká.

ISAYA 37:22

AAKOÓ MUNGÚ waawutmoodá' gun babay, ‹Gixsár Siyoni tidár dasír maa/i kuúng una waaqá' uri niqiín, Gixsár Yerusalemu tidár adór dasír hhoohhoo' sagós guna mumukumís aluuwók wa ale.

ISAYA 37:35

Asma aníng gixsarí an xuúm nee an ba/amís daanduueé' wá ale, nee as daanduú sagadiyusmooeé' Daudi.› »

MIKA 4:11

Hám daxta xoordaá yaariir naa burumburitiyé', gixsár Yerusalemu ngaa harweeriyé', as kuungá' múk Yerusalemu tunduwa i haratlay, ta kaahi, «Gixsár Yerusalemu ka hhitin. Ilaarén taangór gixsarí ngi ariye'.»

SEKARIA 12:3

Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

SEKARIA 12:6

«Baalaadae aníng geeraharuusér múk Yuda an adór hutloó asltá koóm oo baraá tla/ángw migír tleéhh, nee adór gufuú asla oo baraá tla/ángw qafo, inooín muu sleémeero oo gaa harweer ngun qwaareesiyá'. Qoomaadae múk Yerusalemu tan hoot baraá gixsar'ín wa alé ar saxareema.

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós: Aakoorén, hardaháng.