WARA'AMI 125:1 - Biblía Axweesantá Hhohho' ar Mungú 2004

¹ Mukdaádá' AAKOÓ MUNGÚ gwaa harahhiif a adór tloomár Siyoni, tidá' baloó dingitaaká, i hotaatiín daqisleém.

Ya/abtór hho' 1977

¹ Mukdaádá' AAKOÓ MUNGÚ gwaa harahhiif a adór tloomár Sayuni, tidá' baloó dingitaaká, i hotaatiín daqisleém.

WARA'AMI 125:1 Iomraidhean Croise

1 QOM'I 5:20

Inooín Mungú nguna harahhifiyé' nee alee/isaay ngway firiné' qoomár iwa slaqwiya'. Mungú firor'ín gay mu/aywaáts, inooín baali ngay slayé' dír múk Hajiri nee dír mukduú hatlae.

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

WARA'AMI 120:1

Qoomár slahh'amu nguwa sláw, AAKOÓ MUNGÚ una ateét, inós iri mu/aywaáts.

WARA'AMI 121:1

Ana qaytsiít gawaá sagér tlom'ií ale, Alee/isay'eé' amór i dahhi a amá?

WARA'AMI 122:1

Ana qwalaá/ tiwa báy, «Góh amór DOÓ AAKOÓ MUNGÚ.»

WARA'AMI 123:1

Án kuúng ugwa i qaytsiít, kuúngudá' aga iwit gawaá doorií ale.

WARA'AMI 124:1

Bar AAKOÓ MUNGÚ i bartaréní dirii'iiká, múk Israeli ni ilawatsi.

WARA'AMI 147:11

Ala AAKOÓ MUNGÚ múk i saqwalaala/i a kudaádá' inós gu ilaiwawaá/, kudaádá' sla'aarirós ar warqawaaká ngi harahhifá'.

WARA'AMI 20:8

Múk adór kwí ta dukuuts nee tay huuhu'ún, ala atén an sihhiitaán tari /atlaán.

WARA'AMI 25:2

Aá Munguúeé', án kuúng una harahhiíf, mitiwa mureekeés. Wakuuser'eé' miwa arbá/.

WARA'AMI 25:8

AAKOÓ MUNGÚ ku hhoó', nee inós i gan'amuú kón, gawaá adoorihe tlakuuse ga intsaahhatis loohirose.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

WARA'AMI 34:22

AAKOÓ MUNGÚ sagadiyuuseerós ga ba/amis, kudá' sleémeero AAKOÓ MUNGÚ ngwa i guwiye' ki sakwasleemutiiká.

WARA'AMI 46:5

Mungú i baraawós i dirii', gár ga diinqiis i káhh. Mungú ga alee/iis matlaatlér boo/e.

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

WARA'AMI 62:2

Inós kilós an tlaa/ar'eé' nee ba/amar'eé', a koo/ír gawit ar iga harwet, ti baloó dingisiiká.

WARA'AMI 62:3

Ay xaylá hee ku /amaatsegaagita', kuungá' sleémeero kuwa dinkwaárií muxa', inós barqo adór baquú huuhu'uúm, laqaá koo/ír dingiim.

WARA'AMI 62:6

Inós kilós an tlaa/ar'eé' nee ba/amar'eé', a koo/ír gawit ar iga harwet, ti baloó dingisiiká.

WARA'AMI 62:7

Ba/ama nee xirfueé' amór i dahhiya' a amór Munguúeé'. Mungú an adór tlaa/ár aníng i baaq, nee un ii goów.

AXWEESANOÓ SAGALOOA 10:25

Bambaao bira waaráhh heé tlaákw in qwaar, ala heé ganaá' in kumaamiit ay kureeraá kureér.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 26:3

Mukdá' sleémeero inslaway'ín aa dirógí xasliit, nee kudá' kuúng ugwa harahhiif, kuúng in amohhe'és baraá wayduú ló'.

ISAYA 26:4

AAKOÓ MUNGÚ na harahhifeek ay kureeraá kureér, asma AAKOÓ MUNGÚ, an tlaa/ár alhhe'esay wasl.

ISAYA 51:11

Naagáy mukdá' AAKOÓ MUNGÚ aa ba/amís ni wayaa', nin hardihiyá' Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee qununu/aay ni faakiyá'.

ISAYA 51:16

Aníng axweesante'eé' aga qaás baraá afkók nee ugwa luú/ baraá mahhtuú dakw'eé'. Doori ngiri hhaáf nee iihhafiirír yaamu ngiri qaás, múk Siyoni nguri báw, ‹Kuungá' an muk'eé'.› »

ISAYA 51:8

Inooín ki /aay nee sisibú adór tlawuú qarén, tlusá gi /aay adór kaahari. Ala ba/amar'eé' in kumaamít ay kureeraá kureér, nee ba/amar'eé' ar ni huuw ar qari sleémeero.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

OBADIA 1:21

Slám mukdá' AAKOÓ MUNGÚ aa ba/amís ta hoot gawaá tloomár Siyonír wa ale, nee tloomár Esau kari sawaawuti'ín, AAKOÓ MUNGÚ tari waawutmooín.

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.

SEKARIA 1:14

Naagáy malaykamoodá' aníng iri báy, «Gimáy waahheek kaangwí AAKOÓ MUNGÚ Aleesleemusmo i kaahi, ‹Án gura' ina ló'wa óh as Yerusalemu ngiwa slaá' nee Siyoniro.

SEKARIA 1:17

Malaykamoodá' iri báy, «Ya/abtorír hatlá' waahheek, AAKOÓ MUNGÚ Aleesleemusmo i kaahi, ‹Gixsaduueé' niri diihhe'eesiyá'. Anuú AAKOÓ MUNGÚ gixsár Siyoni ngiri gurkwa/ás.› »

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.

Geehhoeemaá 14:1

Aníng niri qaytsiít, Deelmoó bee/i nguri ár aa sihhiít gawaá tloomár Siyoni. Nee múk kume tsiiruú wák nee mibeeraá tsiyáhh nee tsiyáhh aa sihhiít dinkwa nee inós. Gawaá gitsee/ér mukwihe gár taa gooín a umuú Deelmoó bee/i nee umuú Baabuúwós.