WARA'AMI 122:4 - Biblía Axweesantá Hhohho' ar Mungú 2004

⁴ Tlahh'ii ni amoorógí tsa/aná', tlahh'aá AAKOÓ MUNGÚ, as umuú AAKOÓ MUNGÚ nguwa sluufisiya', adoodá' AAKO ngira oó' dír Israeli.

Ya/abtór hho' 1977

⁴ Tlahh'ii ni amoorógí tsa/aná', tlahh'aá AAKOÓ MUNGÚ, as umuú AAKOÓ MUNGÚ nguwa sluufisiya', adoodá' AAKO ngira oó' dír Israeli.

WARA'AMI 122:4 Iomraidhean Croise

WARA'AMI 100:4

Afkú do'ose dahé' ar sluufaay, xirfayeemisaak baraá gar/oó do'ose! Inós sluufmisaak, umuuwós diidi'iimisaak!

WARA'AMI 118:19

Afkú Doó Mungú dir'eéní gweerang, as niwa dah, AAKOÓ MUNGÚ nguri sluufmiís!

WARA'AMI 132:13

Asma AAKOÓ MUNGÚ yaamaá Siyoni gaa tsawaár, as iwa baraadií hotaá ay,

WARA'AMI 78:68

Ala tlahhoó Yuda guna tsawaár, tloomár Siyoni tidá' i ló'wa slai.

WARA'AMI 81:6

Huwaá gawaá suumarók ina aweeriís, lakwantír gawaá dabaawók ngiri hingeés.

TI'INAANGW 16:34

Aluuwo Aroni adoodá' Mose kwaa báy nee AAKOÓ MUNGÚ gari tleéhh, maánadá' gari qaás dír geeraá sandakmooduú alqado as kawa amohhe'eemisi.

TI'INAANGW 23:17

Ki/ima tám baraá kurko hhawaate ni dír geeraá Aakoó Munguúwók i hardarahiye'.

TI'INAANGW 32:15

Naagáy Mose iri harawarqáy iri gawaá tloomár wa aweér, tlaa/e parereehhayen tsaraawo, kudá' hara'ayár koomá', gi kón dabaawose kaa gooín bihhe tsaraawo.

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.