WARA'AMI 122:1 - Biblía Axweesantá Hhohho' ar Mungú 2004

¹ Ana qwalaá/ tiwa báy, «Góh amór DOÓ AAKOÓ MUNGÚ.»

Ya/abtór hho' 1977

¹ Ana qwalaá/ tiwa báy, “Góh amór DOÓ AAKOÓ MUNGÚ.”

WARA'AMI 122:1 Iomraidhean Croise

WARA'AMI 119:111

Adoodá' i babeer aalir'eé', dir'eene ka afhhamít, eeít, a qwal/amaayér muunaáeé'.

WARA'AMI 120:1

Qoomár slahh'amu nguwa sláw, AAKOÓ MUNGÚ una ateét, inós iri mu/aywaáts.

WARA'AMI 121:1

Ana qaytsiít gawaá sagér tlom'ií ale, Alee/isay'eé' amór i dahhi a amá?

WARA'AMI 123:1

Án kuúng ugwa i qaytsiít, kuúngudá' aga iwit gawaá doorií ale.

WARA'AMI 124:1

Bar AAKOÓ MUNGÚ i bartaréní dirii'iiká, múk Israeli ni ilawatsi.

WARA'AMI 125:1

Mukdaádá' AAKOÓ MUNGÚ gwaa harahhiif a adór tloomár Siyoni, tidá' baloó dingitaaká, i hotaatiín daqisleém.

WARA'AMI 126:1

AAKOÓ MUNGÚ tiwa malé ki/ís Siyoni, a adór tlata direne.

WARA'AMI 127:1

AAKOÓ MUNGÚ barnaxes do' ngwa tleehhiiká, mukdá' doó tleéhh, a gadiyér tawo gan tleehh. AAKOÓ MUNGÚ bar gixsa ga xunká, heedaádá' ga xuúm, in tawo xún.

WARA'AMI 128:1

Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

WARA'AMI 129:1

Hám daxta Israeli i ooi, «Aníng taa ló'wa baramaanuús iimír masoombi'iimar'eene.

WARA'AMI 130:1

AAKOÓ MUNGÚ, aníng kuúng u i /aa/amiím, baraá slahh'amueé' kwí oo istá gwa'araro.

WARA'AMI 131:1

AAKOÓ MUNGÚ, muunaáeé' i dara/anká, nee ilaaeé' sleeme i gáwtá ga/aya'aaká. Tam muruú dirén u leelehhiitaaká. Tam muruú /uuruueé' gu arba/abaá/ u leelehhiitaaká.

WARA'AMI 132:1

AAKOÓ MUNGÚ, Daudi inslaweek, baraá slahh'amaayeerós tidá' aa saqiqtlini.

WARA'AMI 133:1

Ga/aaweek, adór kar hhoó' nee ir sla'atimís hhae iwa dinkwár waá hootiya' ar wakleeli'iima.

WARA'AMI 134:1

Qwalaasé', kuungásingá' sagadiyuusér AAKOÓ MUNGÚ, AAKOÓ MUNGÚ xirfayeemisaak kuungá' sleémeero awa gadiyuusá' xweeraawo baraá Doó AAKOÓ MUNGÚ wa ale.

WARA'AMI 26:8

AAKOÓ MUNGÚ, aníng Do'ók kudá' ta hot u slaá', didár xirfuuwók i dirii'i.

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

WARA'AMI 55:14

Ana axweemamisaán ar mulqi'iima, ana aldinku'uumamisaán sleémeero ar sla'aari, baraá doó Mungú wa aleeró.

WARA'AMI 84:10

Looár wák dír do'oge ka afhhamít, ta hotaá deelór kumér yaariire awa dír hatlá'. A tsiní bar aga sihhimiít dír afkú Doó Mungú wa ale, ta niwa hoota baraá maraá múk tlákw wa ale.

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

YEREMIA 31:6

Asma qooma i hi'ít ar xuumusmo iwa ateeti gawaá geetuú tlom'aá Efraimu, iri ooi, Gusé', a tsa/amán ay Siyoni amoodá' AAKOÓ MUNGÚ, Munguúrén, i dirii'i.»

ESEKIELI 46:10

Geeraharusmo nee muu tan aldah nee tan alti'iit nee muu sleeme.

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.