WARA'AMI 12:6 - Biblía Axweesantá Hhohho' ar Mungú 2004

⁶ Al'axweesantá AAKOÓ MUNGÚ a ló', nee i ganá'. Ka hhohho' adór muqslír /awaak ar taa kwahhuút ar baraá asla, adór muqslír /awaak ar taa kwahho hhe'eés sagaá wa faanqw.

Ya/abtór hho' 1977

⁶ Al'axweesantá AAKOÓ MUNGÚ a ló', nee i ganá'. Ka hhohho' adór muqslír /awaak ar taa kwahhuút ar baraá asla, adór muqslír /awaak ar taa kwahho hhe'eés sagaá wa faanqw.

WARA'AMI 12:6 Iomraidhean Croise

2 SAMUELI 22:31

Gár Mungú i tleehhi i xaslxanslír koondaaká! Al'axweesantá AAKOÓ MUNGÚ i warqaqeeraaká, inós a baqmoó dír kudá' sleémeero naa amoorósií guwi'i.

YOBU 20:19

Asma narkuute gana baramaanuús, gari tawo máy, nee maraá inós aa tleehhiiká gina hayóh.

YOBU 28:1

«Looeemaawo boh'ér muqslaadár peésa kawa folaaliti i deer. Nee dír sahaábu kuwa hhohhoeemamisi i deer sleeme.

WARA'AMI 119:140

Al'axweesantók ar ló' kángw kilá' wa ale, anuú sagadiyusmoowók a slaá'.

WARA'AMI 18:30

Loohír Mungú i qoón, al'axweesantós i haratlintaaór wa hariín, kudá' sleémeero dirós i gogoowa'a inós a baqmoó.

WARA'AMI 19:8

Dabér AAKOÓ MUNGÚ i ganá', muuná gu qwal/atimís, hara'ayár AAKOÓ MUNGÚ i ganá', hee gu daharés.

WARA'AMI 66:10

Aá Mungú, atén kuúng taa iiát, adoodá' muqslír /awaak kar kwahhaahhuuti, qoomár bar ka peésa tlehhiit.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

WARA'AMI 9:13

AAKOÓ MUNGÚ, án gurtlawáng, qaytsiít slahh'eemisuú tir slahh'eemisi nee kudá' aníng i ahhiitá'. Kuúng an kudaádá' aníng i ki/ís dír afkuduú bohóngw gwa'araaro.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

TI'INAANGW 6:1

AAKOÓ MUNGÚ Mose guri báy, «Daxta kuúng adór aníng Farao ngu /imiis a aán. Asma ar dákw /uuruú kooma inós ku harakees muu nguwa geemay. Ar dákw /uuruú kooma inós gay guus baraá yaamuuwose.»

AXWEESANOÓ SAGALOOA 22:23

Asma AAKOÓ MUNGÚ inooín gi aleekalaa/, Mukdá' muruú múk hayohiím ar /uuru, AAKOÓ MUNGÚ gi slafiingw hayoh.

AXWEESANOÓ SAGALOOA 30:5

Umuúqo /aymuú Mungú aa ooi kwaa alqaytsiít. Inós a gaamboót dír mukdá' inós gu i gogoowa.

ISAYA 14:22

AAKOÓ MUNGÚ Aleesleemusmo i kaahi, «Aníng yaamaá Babuloni in i haratláw, muu nguri hhaamiís, múk aa meet nee na/iiwo tam na/aá ta sa laqwaali sleeme. Anuú AAKOÓ MUNGÚ tí an káh.

ISAYA 33:10

AAKOÓ MUNGÚ i kaahi, «Daxta aníng ni tláw, daxta aníng ti amohhe'eés, daxta aníng ti kilooeé' xirfayeés.