WARA'AMI 12:2 - Biblía Axweesantá Hhohho' ar Mungú 2004

² Sleémeero axweesanay'ín a axweesanoó lama. Afer'ine a waaqoduuse nee baraá muner'ine a al/aymuuse.

Ya/abtór hho' 1977

² Sleémeero axweesanay'ín a axweesanoó lama. Afer'ine a waaqoduuse nee baraá muner'ine a al/aymuuse.

WARA'AMI 12:2 Iomraidhean Croise

1 QOM'I 12:33

Múk Sebuluni a kume mibeeri kooán, mukwí an múk slaqwara ga baál, múk aa intsahhan slaqwaraaro. Xosluuín sleémeero awa slaqwara ngina amohhe'eesiyé' asma tawa tsabin Daudi kuwa ale/iisi.

WARA'AMI 10:7

Gár baraá afkose aa hats a lu'umis nee fola nee /ayta. Gár kuwa inslaáhh a axweesanoó tlákw nee oo tlií/ gun axwees.

WARA'AMI 116:11

Aníng ana ilawaáts ar dae, «Gár hee nguwa harahhiif i káhh.»

WARA'AMI 144:11

Án ba/amisáng dír tsatoó xaraasle, tu/áng dabaá hoomadá' afer'ine lamemaá tlaaq, dír mukdá' lo'ór lama ga /aáy, ar dabér doó /iyáy ngiwa gáwtí tleemisiya'.

WARA'AMI 144:8

Inooín afer'ine in lamtá kaahiyá'. Lo'ór lama ngin /ayiyá' ar daber'ín ar doó /iyáy kawa gáwtí tleemisi.

WARA'AMI 28:3

Aníng mi harahuwaar dinkwa nee múk tlakuuse, kudá' tlakweemaá tlehhahhiít. Afer'ine i wayduú axweesiyá' dír inslaaway'ine, ala baraá muner'ine gár aa hats a wakaari.

WARA'AMI 38:12

Mukdá' aníng i gaasár wa slaá', tsaaxwel kun qamín, kudá' aníng i gár tlaákw ar sla'á' ta qwaareesar'eé' axwees, nee tlaatla/angw sleémeero ta lohaá aldakuut awa adór tir dahhi.

WARA'AMI 41:6

Barnaxes hee bira neetleesi áy, gaa a muruú tawo gun kah, ala baraá muunaáwose tlakweema gin aldakuut. Inós bira tsee/aá i ti'iít, muruuwí guri alki/iit.

WARA'AMI 5:9

Axweesanoó wakuuser'eé' i looeemaá konká, gár i slaiya' aqo hhita. Baraá afer'ine axweesanoó ti'iimiít oo al/ayma. Afer'ín i háts axweesanoó tsu/utár muko.

WARA'AMI 55:21

/Aymi'iiwós i tsuiyá' di/tá /awak ba/a. Ala muunaáwose gaa a slaqwara. /Aymi'iiwós i natsaatsaiyá' adór di/i, ala i tlaaqaná' adór siíme.

WARA'AMI 59:12

Inooín masók ki ohín baraá daara/angw'ine. Asma afer'ine muruú tlákw ngun axweemamisiyá', slamí i lu'umisiyá' nee i lameemaá tlaaqiyá'.

WARA'AMI 62:4

Baraá axweesanto tin kaahi slayá', as kuwa dahhi dirós tidá' ilaiwa/ameero, inooín lama ngi saqwalaala/iyá', afer'ine /ayma'aá tsuuqaá koomá' kin kah, ala baraá muner'ine tan lu'umis.

AXWEESANOÓ SAGALOOA 20:19

Heé lamtá slaá' naaqo ga duux amór muu. Gawaá adoorihe heé lamtá slaá' geewakaweek.

AXWEESANOÓ SAGALOOA 20:6

Múk yaariír inkihhimuuín ngun kilooín alki/iitiyá', Ala heé inkihhím ar tsáp dír kuwa slay?

AXWEESANOÓ SAGALOOA 29:5

Heé ti sla'atamís dír inslaawmoowós i ale A hima gun baraá istós i qamín.

YEREMIA 7:28

Kuúng kay beer, «Kuungá' a xoorór afór AAKOÓ MUNGÚ, Munguúín, gaa si' iialooeesaro, tam intsaahhasa ana sié'. Dirhunge looeema naa gwaaiyé', baraá axweesantahunge, tam looeemaá niiná i kahhiyá'.»

YEREMIA 9:8

Tsifreeri'ín a adór maheeraá qarkú koomá', inooín naa hatsiyé' lamto. Umuú heewo axweesanoó tsuú' gu axwees dír inslaawmowo, ala baraá muunaáwose a adór ngur dahhi gan leelehhiit.»

ESEKIELI 12:24

«Asma iigu'utuú lama laqaá múk tlaa/aá xuú' i baloó ki/iiká baraá yaamaá Israeliro.

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

1 Tesalonike 2:5

Asma kuungá' a xuá' adór atén axweesanoó muu gu sla'atimís ngura baloó dirhúngií axweesaniiká. Nee slám aga axweesaniiká as slaasláw kawa slawaan. Mungú a lamabu'usmoorén.

Yakobo 1:8

Asma inós a heé badu tsár oo baabaqaamiís baraá lohuduuwós sleémeerowo.