WARA'AMI 119:81 - Biblía Axweesantá Hhohho' ar Mungú 2004

⁸¹ Aga slahhaá' kuúng daamarango as iwa ba/amis, axweesantók ana harahhiíf.

Ya/abtór hho' 1977

⁸¹ Aga slahhaá' kuúng daamarango as iwa ba/amis, axweesantók ana harahhiíf.

WARA'AMI 119:81 Iomraidhean Croise

YOBU 19:27

Anuú kilá' nee inós tin doogaán, aníng gwa'ara aga áw. Anuú kilá' ilaaeene inós un ár. Slám a heé hatlaeeká.

WARA'AMI 119:114

Kuúng a gaambór'eé', ni dirógi nahhaát, axweesantók a ló'wa harahhiíf.

WARA'AMI 119:20

Aníng a slahhahhaá' baraá muunaáeene, as tidá' kuúng ta kat ngiwa xu'utír wa slaa' kángw kilá' wa aleeró.

WARA'AMI 119:40

Hara'ayarók ngiwa oh a ló'wa slaá'. Kuúngudá' gan'amuú koóm slafíngw /abén aníng i haniisang.

WARA'AMI 119:41

AAKOÓ MUNGÚ sla'aarirók ar warqawaaká laqaamang, ba/amisáng adoodá' kara ó'.

WARA'AMI 119:42

Daqaní kudá' aníng i /oslisliimá' i aleesláw mu/aywatsto, asma aníng axweesantók aga haratlintií'.

WARA'AMI 119:43

Aleesleemuú i haniisáng, looeemawók ngiwa kah umuúqo daqto, asma harahhifor'eé' i baraá tidá' kuúng naa kát.

WARA'AMI 119:74

Mukdá' kuúng u ilaiwawaá/ bira ár tay qwalaa/, asma axweesantók aga harahhiíf.

WARA'AMI 119:77

Án gurtlawáng daqaní aníng a slaáf, asma dabeerók a qwal/uueé'.

WARA'AMI 130:5

Aníng AAKOÓ MUNGÚ un daamaraám, muunaáeé' AAKOÓ MUNGÚ gun daamarán, axweesantós aga harahhiíf.

WARA'AMI 73:26

Slaqwte'eé' nee muunaáeé' i /aaruyá'. Ala Mungú a /uuruú muunaáeé', nee an kwe'eé' ay alhhe'eesay wasle.

WARA'AMI 84:2

Aníng do'ók u ló'wa slaá', AAKOÓ MUNGÚ. Muunaáeé' nee slaqwte'eé' kuúng u saqwalaala/iyá'.

DAA'AANGW 5:8

Aníng kuungá' /ameenár Yerusalemu nu firiím, sla'aarusmooeé' burngwa aandé' ádbawaak adór sla'aari ira slahh'és.