WARA'AMI 119:57 - Biblía Axweesantá Hhohho' ar Mungú 2004

⁵⁷ AAKOÓ MUNGÚ, aníng kuúng ugwa gurií baá/, al'axweesante'eé' ngi oó', «Aníng axweesantók a óh.»

Ya/abtór hho' 1977

⁵⁷ AAKOÓ MUNGÚ, aníng kuúng ugwa gurií baá/, al'axweesantaeé' ngi oó', “Aníng axweesantók a óh.”

WARA'AMI 119:57 Iomraidhean Croise

WARA'AMI 119:106

Al'axweesante'eé' aga oó', ngiri gawdeés ooaro, tidá' ganaa' kuúng ta kat an óh.

WARA'AMI 119:115

Quutlé' dir'eene kuungaásingá' tlakuúse, asma hara'ayár Munguúeé' ngiwa oh.

WARA'AMI 119:2

Múk amohhoó' a kudá' axweesantá Mungú ngi iialooeemisá', kudá' ngu leelehhiitá' ar muner'ín sleémeero.

WARA'AMI 142:5

AAKOÓ MUNGÚ, án kuúng u ateetiím, kuúng an dír guway'eé' ar saxmaar. Kuúng una gurií baá/ ta umuú gaaro baraá slafingw'eene.

WARA'AMI 16:5

AAKOÓ MUNGÚ, kuúng an aalir'eé', kuúng muruú aníng ni slaa' ngun hanmís sleémeero. Slafingw'eé' i baraá dabaawók.

WARA'AMI 66:14

Tidár sluufay'eé' afkwe'eene naa káh, qoomár niwa baraá slahh'amií dirii'.

WARA'AMI 73:26

Slaqwte'eé' nee muunaáeé' i /aaruyá'. Ala Mungú a /uuruú muunaáeé', nee an kwe'eé' ay alhhe'eesay wasle.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

WA/AA/I 3:24

Aníng ana baraaeé' oó', «AAKOÓ MUNGÚ an aalir'eé', gawaá adoorihe, aníng inós un harahhiíf.»

DABE 18:2

Ala inooín aali mingiwa slayé' dír hhaeeine, asma AAKOÓ MUNGÚ an aalir'ín, adoodá' ngira qaroó al'axweés.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

YOSHUA 24:18

Nee slám AAKOÓ MUNGÚ xoorduudá' sleémeero gina geeraarén wa tlatlahhaás, ín xoorór Amori, kudá' baraá yaamuuká' ngaa hootiye'. Gawaá adoorihe atén sleeme AAKOÓ MUNGÚ un sagadiyusaán, asma inós an Munguúrén.»

YOSHUA 24:21

Ala inooín Yoshua nguri bayé', «Aasla'áy no. Atén aqo AAKOÓ MUNGÚ un sagadiyusaán.»