WARA'AMI 119:53 - Biblía Axweesantá Hhohho' ar Mungú 2004

⁵³ Aníng ana qa/iít as tlakuuse, asma inooín dabeerók nga iialooeesi'iiká.

Ya/abtór hho' 1977

⁵³ Aníng ana qa/iít as tlakuuse, asma inooín dabeerók nga iialooeesi'iiká.

WARA'AMI 119:53 Iomraidhean Croise

ESRA 10:6

Aluuwo Esra iri tláy dír geeraá Doó Mungú wa alé, iri dáh baraá kutuwír doó Yehohanani garmoó Eliashibu, iri amoodí qaát mikaáte gaa /ayiiká tam ma'aay gaa wahiiká as gurhaami, asma ina /aa/amín as dakuúsár mukdá' naa baraá looháy wa waatl.

ESRA 9:14

Xáy hara'ayaarók an mawaána tiri duxuutaán nee múk muruudá' ta waki gu tlehhahhiít, xáy, kuúng a buhhkáhe as atén tiri qwaarés tam heé meét iri kaahh?

ESRA 9:3

Aníng adoorí ngiwa axaás tlabaaeé' ngiri karslimiís nee hiyay'eene se'éngw sagw'eé' nguri tu/uúm nee daamor'eene as gurhaami, niri iwiít as dae.

NEHEMIA 13:25

Ina iigahhaát, ngiri lu'umís, bahh'ale ngiri muúx, kookariya' ina se'eengw uuruxuúm. Ina /uurutimís ngiwa lo'ór /aymiis ar umuú Mungú ngiwa babaw, «Dasuuhúng mukuwa duxuút nee daaqay'ín, tam daaqayhúng dasuuín munguwa duxuút, laqaá tam kuungaá kilá'.

NEHEMIA 5:6

Aníng qununu/ay'ín kwí nguwa axaás niri ló'wa buúhh.

WARA'AMI 119:136

Hhirhheeri in xintsaatsiím, asma muu dabeerók gaa sií'.

WARA'AMI 119:158

Múk kuúng u haratlintatiaaká bura ár u ló'wa sla'aaká, asma hara'ayarók ngaa oohi'iiká.

WARA'AMI 89:30

«Barnaxes na/iiwós daber'eé' ngaa mayé', birna hooti'iiká ar adoodá' án naa káh,

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

DANIELI 4:19

Qoomaarihe Danielidá' ta babay Belteshasa iri gurhamuút gár niinawe, nee inslawaywós iri amooqwaqwadín. Waawutmo Belteshasa guri báy, «Belteshása tlataaká' muwa dae tsatiyé'.» Belteshasa iri oó', «Aakooeé', tlataaká i pa/iye' amór mukdá' kuúng u ahhiít, nee gár tlataaká' i laqaaqana' i pa/ amór wakuuseerók.

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

2 korinto 12:21

Aníng a da'ayumiít asma binda malé hardáh amorhúng, Munguúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

Filipi 3:18

Asma án kaangwí ngwa qaroó oó' geerií ale daqtá yaariire, ala hám daxta ngun malé inkií/ ooaro ar hhirhheeri, asma múk yaariír adór ir hooti a adór wakuusér gwa'arár Kristo ar gawaá msalaába.